Memlekettiliktiń tarıhı kúnin Tuńǵysh Prezıdentpen baılanystyryp atap ótýdiń esh ábestigi joq
ASTANA. 28 qarasha. QazAqparat - Memlekettiliktiń tarıhı kúnin Tuńǵysh Prezıdentpen baılanystyryp atap ótýdiń esh ábestigi joq. Búgin Astanada ótken «Qazaqstan Respýblıkasynyń Tuńǵysh Prezıdenti - Elbasy N. Nazarbaevtyń Qazaqstanda parlamentarızmniń qalyptasýyndaǵy róli» atty konferentsııa barysynda sóz sóılegen zańger, professor Maqsut Nárikbaev osylaı málim etti.
«Álemdegi biraz memleketterde Prezıdent saılaý arqyly, ne bolmasa sol memlekettegi zań turǵydaǵy sheshim arqyly óz laýazymyna otyrǵan kúni elmen elenedi. Tipti keıbir memleketterdegi jurtshylyq óziniń súıgen basshysynyń týǵan kúnin atap ótý dástúrin merekege ulastyrady. Bul nege jat bolsyn? Elbasy ózi kóptegen marapattaýdan bas tartyp kelgeni belgili. Degenmen, 20 jyl ótkennen soń memleketimizdiń tarıhı datasyn atap ótý, ony toıǵa aınaldyrýdyń esh ábestigi joq. Prezıdent sonaý keńes odaǵynyń qańqasynda qolymyzǵa tıgen egemendiktiń týyn kókke kóterip, eldik irgetasty sapaly qalaýǵa kúsh-jigerin pash etken tulǵa», - dedi M. Nárikbaev.
Onyń aıtýynsha, kez kelgen memlekettiń tuńǵysh basshysy sekildi bizdiń Prezıdenttiń moınyna da aýyr ári jaýapty úles tıdi. N. Nazarbaev basqarýshy retinde partııanyń, memlekettiń, basqarýdyń kópjyldyq mektebinen ótti, memlekettik menedjment jolyn 1991 jylǵa deıin-aq eńserdi. Sol jyldardyń ózinde Nursultan Ábishuly joǵary sanatty basqarýshy retinde moıyndalǵan tulǵa edi. Qaıta qurý kezeńinde N.Nazarbaevtyń kandıdatýrasy Odaqtas Respýblıkalardyń, HH ǵasyrdaǵy alyp derjavanyń Úkimet basshysy laýazymy deńgeıinde talqylanǵany da kezdeısoqtyq emes», - dedi ol.
