Memlekettilikti myqty qolmen ustaý kerek - Nursultan Nazarbaev

NUR-SULTAN. QazAqparat - QR Tuńǵysh Prezıdenti - Elbasy Nursultan Nazarbaev «Nur Otan» partııasynyń negizgi mindetin belgiledi, dep habarlaıdy QazAqparat tilshisi.

«Barshamyz jurt bolyp jumylyp, osy synaqtan taǵy súrinbeı ótemiz dep senemin. Nur Otan -kósh bastap kele jatqan eń iri saıası uıym. Partııamyzdyń halyq pen bılik arasyndaǵy dánekerlik róli osy tusta aıryqsha ańǵarylady. Bizdiń maqsatymyz - el turǵyndarynyń turmysyn jaqsartyp, Qazaqstandy odan ary órkendetý. Qoǵamda tatýlyq pen turaqtylyqty qamtamasyz etý - óte mańyzdy mindet», - dedi N.Nazarbaev «Nur Otan» partııasynyń kezekten tys XIX sezinde.

Partııa tóraǵasynyń aıtýynsha, búginde jer-jahanda san alýan oqıǵalar bolyp jatyr. Ǵylym men tehnıka qarqyndy damyp keledi. Osyndaı zamanda artta qalmaý úshin, basqa eldiń shańyn jutpaý úshin birlik kerek.

«Elimizdiń memlekettiligin myqty qolmen ustaý kerek. Árıne, bes saýsaq birdeı emes. Bizdiń jaǵdaıymyzda bılikti qoldan shyǵaryp alsaq, eldikten aıyrylamyz, Táýelsizdikten de jurdaı bolamyz. Sondyqtan meniń oılaıtynym - turaqtyq pen birlik. Eń degende, qazaqtyń birligi, odan keıin kópultty halqymyzdyń birligi. Sol sebepti biz Prezıdentti saılaǵan kezde bárimiz «bastyǵymyz bireý, bárimiz oǵan tireý bolamyz» dep saılaımyz. Sol birlik úshin jumys isteımiz», - dep atap kórsetti N.Nazarbaev.

Aıta keteıik, búgin Elbasy «Nur Otan» partııasynan QR Prezıdenttigine úmitker retinde Qasym-Jomart Toqaevtyń kandıdatýrasyn usyndy. Budan bólek, Nursultan Nazarbaev «Nur Otan» partııasynyń kandıdatyn qoldaýǵa qatysty tapsyrmalar berdi. «Nur Otan» sezi Qasym-Jomart Toqaevtyń kandıdatýrasyn bekitti.