Memlekettik josparlaý júıesinde qandaı ózgerister bolady
«2020 jylǵy 1 qyrkúıekte Memleket basshysy Qazaqstan halqyna Joldaýynda memlekettik josparlaý júıesin qaıta qaraý boıynsha tapsyrma bergen edi. Mundaǵy basqarýdyń negizgi qaǵıdasy – adamǵa baǵyttalý ustanymy bolmaq. Memlekettik josparlaý, bıýdjettik josparlaý, memlekettik qyzmet, kórsetiletin qyzmetter, tsıfrlandyrý sııaqty memlekettik basqarýdyń negizgi túpki júıelerin qarastyryp, eń aldymen memlekettik organdardy jaýapkershilikterin arttyratyn, tapsyrmalardy iske asyrýdyń tıimdiligine yqpal etetin tásilderdi usynýǵa baǵdarladyq. ıAǵnı memlekettik basqarýdyń túpki júıelerin transformatsııalaý kerek jáne ony júıeli júrgizý kerek degen qorytyndyǵa keldik. Osyǵan baılanysty ózgerister qabyldandy», - dedi Qaırat Kelimbetov Ortalyq kommýnıkatsııalar qyzmetinde ótken baspasóz máslıhatynda.
Spıkerdiń aıtýynsha, jańa formadaǵy memlekettik josparlaý júıesi belgili bir baǵyttardy usynady jáne memlekettik josparlaýdyń jańa júıesinniń óz erekshelikteri bar.
«Eń aldymen, ınstıtýtsıonaldyq reformalardy júrgizýge qajetti jaǵdaılar jasalýda. Jalpyulttyq basymdyqtar elimizdiń negizgi baǵyttaryn, damý kórinisterin bekitedi, bul – bizdiń maqsattarymyz ben mindetterimizdi aıqyn kórsetetin 10 basymdyq. Basymdyqtarǵa sáıkes, bıýdjet qarajatyn bólý de qurylatyn bolady. Sondyqtan bıýdjettik lımıtter memlekettik organdardyń basym mindetteri aıasynda bólinedi. Bizdiń qandaı baǵdarlamalardy qarjylandyratynymyz, qaı baǵdarlamaǵa basymdyq beriledi jáne qaı baǵdarlama keıinnen qarjylanatyny anyq kórinedi», - dep atap ótti Qaırat Kelimbetov.
Q. Kelimbetov jalpyulttyq basymdyqtardy Memleket basshysynyń ózi bekitetinin aıtty.
«Ulttyq jobalardyń tizimin jaqyn arada Memleket basshysy bekitedi. Ulttyq jobalar portfelin iske asyrý jobalyq basqarý qaǵıdattaryna negizdeledi», - deıdi Qaırat Kelimbetov.
