Memlekettik JOO-lar kommertsııalyq emes aktsıonerlik uıymǵa ózgertiledi
ASTANA. QazAqparat - Memlekettik jáne ulttyq joǵary oqý oryndaryn memleket 100 paıyz qatysatyn kommertsııalyq emes aktsıonerlik uıymǵa ózgertý máselesi qaralyp otyr. Bul týraly Parlament Májilisiniń jalpy otyrysynda QR Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
Oqý oryndaryndaǵy basqarýshylyq derbestikke toqtalǵan mınıstr, «JOO-nyń akademııalyq erkindigin arttyrý - ýnıversıtetti basqarý júıesiniń ózgerýine tyǵyz baılanysty. Onyń ózgerýi - jumysqa qabyldaý, mamandyqtar jáne daıarlaý baǵyttary boıynsha stýdentter kontıngentin qalyptastyrý, JOO-lardyń akademııalyq qurylymyn anyqtaý máselesin derbes sheshýge jaǵdaı jasaıdy. Bul úshin birqatar sharalardy atqarý qajet. Birinshiden, JOO-nyń uıymdyq-quqyqtyq formasyn ózgertý. Óıtkeni, memlekettik JOO-lar memlekettik múlik týraly zańmen retteledi. Bul olarǵa qıyndyq týdyrady. Keı jaǵdaıda olardyń negizgi mıssııasy men maqsattaryna qaıshy keledi. Kommertsııalyq emes formadaǵy JOO-lardyń artyqshylyǵy - korporatıvti basqarý normasyn saqtaıdy jáne alǵan tabysty oqý ornyn damytýǵa jumsaýǵa múmkindik beredi. Ol úshin, zań jobasynda memlekettik jáne ulttyq JOO-lardy memleket 100% qatysatyn kommertsııalyq emes aktsıonerlik uıymǵa ózgertý boıynsha normalar engizilgen. Sonymen qatar, kommertsııalyq uıymdar retinde qurylǵan jekemenshik oqý oryndaryna arnalǵan transformatsııalaý tetigi jeńildedi. Biraq, ol mindetti emes», - dedi.
Osylaısha, RMK-dan kommertsııalyq emes uıymǵa ótý kezinde ýnıversıtetter Kásipkerlik kodeks aıasynda keıbir kommertsııalyq qyzmet túrlerin júrgize almaıdy. Osy máseleni sheshý úshin «Bilim týraly» Zańǵa ýnıversıtet qyzmeti men quzyretin reglamentteıtin jeke bap qosý usynyldy. Atalǵan bap zań jobasynyń qaǵıdasy jáne depýtattar usynǵan ózgerister boıynsha daıyndaldy.
«Baptyń normalary ýnıversıtetterge kommertsııalyq qyzmettiń 13 túrin atqarýǵa múmkindik beredi. Sonymen qatar, ýnıversıtetterdiń basty quzyretterin anyqtap, olarǵa qosymsha quqyqtar beriledi. Bul turǵyda joǵary jáne joǵary oqý ornynan keıingi bilim berý uıymynda endaýment-fond qurý; bıýdjetten tys qarjy esebinen ǵylymı - bilim berý qyzmetimen aınalysatyn zańdy tulǵalardy qurý; startap kompanııalar ashý; jarǵylyq qyzmetti iske asyrý úshin qosymsha materıaldyq jáne qarjy kózderin tartý; sheteldik memleketterde fılıaldaryn qurý jáne basqa da qadamdar qatylǵan», - dedi mınıstr.
Budan bólek, usynyp otyrǵan uıymdyq-quqyqtyq forma -korporatıvti basqarý prıntsıpterin engizý degendi bildiredi. Kóptegen ulttyq JOO-larda baıqaý keńesteri bar. ıAǵnı basqarýdyń alqaly formasyna kezeń-kezeńmen kóshirilýde. Korporatıvti basqarý organdaryn damytý JOO-nyń basshylaryn taǵaıyndaý men bosatýdyń jańa tetigin engizýge, olardyń quzyretiniń merzimin anyqtaýǵa, qoǵam aldynda esep berý tájirıbesin engizýge múmkindik beredi. Bıýdjettiń ashyqtyǵyn qamtamasyz etedi.
«Mysaly, qazir jańa mehanızmder aıasynda ashyq konkýrs arqyly 16 rektor saılandy. Osylaısha, zań jobasy ýnıversıtettiń ishki qurylymyn jasaý, qyzmetkerlerdi irikteý jáne ornalastyrý krıterııleri men protsedýralaryn derbes ázirleýge baılanysty qyzmetterdi oryndaýǵa quqyq berdi», - dedi Erlan Saǵadıev.
Talqylaýdan keıin palata depýtattary «QR keıbir zańnamalyq aktilerine joǵary oqý oryndarynyń akademııalyq jáne baqylaý derbestigin keńeıtý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
