Memlekettik jınaqtaýshy zeınetaqy qory salymshylarynyń ınvestıtsııalyq kirisi 16,8 mlrd. teńgege artty
ALMATY. 24 qarasha. QazAqparat /Erbol Turymbetov/ - Memlekettik jınaqtaýshy zeınetaqy qory" AQ 2010 jylǵy 9 aıdy qorytyndylady.
9 aıdyń nátıjesi boıynsha atalmysh qordyń salymshylarynyń arasynda úlestirilgen «taza» ınvestıtsııalyq kiristiń kólemi 16,8 mıllıard teńgeden asty. Ol jınaqtalǵan zeınetaqy júıesi boıynsha 9 aıda alynǵan taza ınvestıtsııalyq kiristiń 33 paıyzyn quraıdy. Bul respýblıkamyzdyń barlyq zeınetaqy qorlary ishindegi eń jaqsy kórsetkishterdiń biri bolyp tabylady. Oǵan qosa, jınaqtalǵan zeınetaqy qarajattarynyń somasy boıynsha MJZQ-nyń naryqtyq úlesi 16,4 paıyz. Al 2010 jylǵy 1 qazanda Qor qyzmetiniń barlyq kezeńi úshin «taza» ınvestıtsııalyq kiris 117,7 mlrd. teńgeden asty.
Óz qyzmeti bastamasynan Qormen júzege asyrylǵan saqtandyrý uıymdaryna zeınetaqy tólemderi jáne aýdarymdary 35,7 mlrd. teńgege artty. Bul saqtandyrý uıymdaryna tólemder men aýdarymdardyń jalpy kóleminiń 21 paıyzdy quraıdy.
Qarjylyq múddelerin qorǵaý maqsatynda (1,8 mln. adam) Qor salymshylardy jazataıym jaǵdaıdan jyl saıynǵy saqtandyrý júıesin engizdi. Saqtandyrý qoldanysqa engen úsh aı ishinde birneshe salymshylarǵa saqtandyrý tólemderi júzege asyryldy.
2010 jylǵy 9 aıdyń qorytyndysy boıynsha, Qor zeınetaqy aktıvteriniń kiristiligi jáne menshikti kapıtalynyń jetkiliktiligi boıynsha prýdentsıaldy talaptaryn da oryndady. 2010 jylǵy 1 qazanda Qordyń menshikti aktıvteri 18 mlrd. teńgeden asty. Bıylǵy jyldyń 9 aıy ishinde Qordyń menshikti kapıtaly 46 paıyzǵa ósip, 17,2 mlrd. teńgeni qurady. Kórsetilgen kezeń úshin taza paıda kólemi 2,6 mlrd. teńge.
«MJZQ» zeınetaqy qorynyń qyzmeti Qazaqstannyń barlyq óńirinde zeınetaqy qyzmetiniń tolyq keshenin usynýǵa baǵyttalǵan. Qazirgi kezde Qordyń Qazaqstan boıynsha 18 fılıaly jumys isteıdi. Salymshylarǵa yńǵaıly bolý úshin jáne kórsetiletin qyzmetterdiń sapasyn arttyrý maqsatynda Qor 2 derbes qyzmet kórsetý ortalyǵyn iske qosty. Sondaı-aq, elimizdiń barlyq aımaǵynda, shalǵaı ornalasqan eldi mekenderde qosymsha 100-den astam agenttik qosyndaryn ashty.
QR QQA-nyń resmı derekteri boıynsha 1,8 mln. adam GNPF salymshylary bolyp tabylady.
«MJZQ» AQ qyzmetiniń 13 jyl boıynda qabyldanǵan damý strategııalary salymshylarǵa qyzmet kórsetý sapasyn joǵarylatý men zeınetaqy aktıvterin qalypty-konservatıvtik basqarýǵa baǵyttalǵan.
