Memlekettik jınaqtaý júıesi boıynsha qansha stýdent bilim alyp jatyr
ASTANA. QazAqparat - «Qarjy ortalyǵy» AQ-nyń Memlekettik bilim berý jınaqtaý júıesi (MBJJ) boıynsha atqarylǵan jumystardyń qorytyndysyn jarııalady, dep habarlaıdy QazAqparat.
«2013 jyly halyqqa JOO-lar men kolledjderde bilim alýda qarjylyq qoldaý kórsetý úshin qarajat jınaqtaýdyń jańa júıesin (depozıtter) engizýdi kózdeıtin «Memlekettik bilim berý jınaqtaý júıesi týraly» QR Zańy qabyldandy. 2014 jyldan jumysymyzdy bastadyq, ıaǵnı júıe aıasynda salymdardy ashý iske asyryldy. Memlekettik bilim berý jınaqtaý júıesi árbir azamat úshin joǵary bilim alýǵa múmkindik beredi», - dep toqtaldy «Qarjy ortalyǵy» AQ prezıdenti Asqar Ybraıymov.
Aıta keteıik, Memlekettik bilim berý jınaqtaý júıesi depozıtteri boıynsha salymdarǵa 12 paıyzǵa deıin banktik syıaqydan bólek, memleketten syılyqaqy tólenedi. Memleket syılyqaqysynyń mólsheri - jyldyq 5 paıyz, basymdyqty sanattaǵylar úshin - 7 paıyz.
«5 paıyzdyń syılyqaqy adamdardyń negizgi bóligine arnalsa, 7 paıyzdyq mólsher halyqtyń áleýmettik turǵyda osal toptaryna baǵyttalǵan. Qarapaıym depozıttermen salystyrsaq, birqatar basymdyqtar eskerilgen. Bul salymdar úshinshi taraptardyń kez kelgen talaptarynan memleketpen qorǵalǵan. ıAǵnı qandaı ister bolsa da, atalǵan esep-shottarǵa múlikke tyıym salý, tárkileý sharalary júrmeıdi. Shyn máninde bul áleýmettik joba bolǵandyqtan, bilim alatyndar úshin óte mańyzdy. Aldaǵy ýaqytta bul salymdarǵa baılanysty jaǵdaılardy jaqsartýdy kózdep otyrmyz», - deıdi ortalyq basshysy.
Onyń sózine qaraǵanda, júıede 20 myńǵa jýyq jınaqtaý salymy tirkeldi, sondaı-aq jalpy soma 20 mlrd teńgege jaqyndap keledi.
Aǵymdaǵy jyldyń aqpan aıynda 14 739 salymshy boıynsha 757 409 000 teńge memleket syılyqaqysy tólendi. Osy ýaqytqa deıin salymdar boıynsha eseptelgen memleket syılyqaqysynyń jalpy somasy 1 644 761 000 teńgeni qurady.
Qazirgi ýaqytta MBJJ boıynsha bilim alatyn stýdentterdiń monıtorıngin júrgizý úshin MBJJ salasynda Qazaqstan JOO-larymen 105 jáne kolledjderimen 525 kelisim jasaldy.
«Búgingi kúnde 403 stýdent MBJJ aıasynda bilim alyp júr», - dedi Asqar Ybraıymov.
