Memlekettik-jekeshelik áriptestikte qandaı talaptarǵa ekpin qoıylady
NUR-SULTAN. QazAqparat – Memlekettik-jekeshelik áriptestik tetigin júzege asyrý kezinde memlekettik qoldaý sharlarynsyz jobalarǵa ekpin qoıylady. Bul týraly «Qazaqstandyq memlekettik-jekeshelik áriptestik ortalyǵy» AQ basqarma tórǵasynyń orynbasary Aıdos Kóbetov málim etti, dep habarlaıdy QazAqparat tilshisi.
«620 joba (memlekettik-jekeshelik áriptestik) daıyndyq kezeńinde tur, olar shamamen 1 trln teńgege baǵalandy. Aıta keteıik, búginde negizgi ekpin memlekettik qoldaý sharalarynsyz iske asyrylatyn jobalarǵa qoıylyp otyr. Sondyqtan atalǵan 620 jobanyń arasynda basym bóligi tarıf esebinen paıda túsirýge negizdelgen», - dedi A. Kóbetov Úkimet úıinde tilshilerdiń saýalyna jaýap bere otyryp.
Budan bólek ol problemalyq jobalar týraly aıtyp berdi.
«Іri jobalardyń ishinde problemalyq nysandar joq, alaıda jergilikti jerlerde tıisti sebeptermen toqtaǵan jobalar bar», - dedi A. Kóbetov.
Buǵan deıin habarlanǵandaı, QR Ulttyq ekonomıka vıtse-mınıstri Mádı Takıev memlekettik- jekeshelik áriptestik salasynda qansha joba iske asyrylyp jatqanyn málim etti.
«1 shildedegi jaǵdaı boıynsha memlekettik-jekeshelik áriptestikte 565 joba bekitildi. Onyń somasy 1,2 trln teńgege jetti. Sonyń 9-y respýblıkalyq joba bolsa, qalǵan 556-sy óńirlerge tıesili», - dedi M. Takıev.
