Memlekettik-jekeshelik áriptestik: Atyraý oblysynda taǵy eki kóshe jaryqtandyrylady
ATYRAÝ. QazAqparat - Atyraý oblysynda memlekettik-jekeshelik áriptestik sheńberinde taǵy eki kósheni jaryqtandyrý jobasy iske asyrylady. Bul týraly ÓKQ ótken brıfıngte Atyraý oblysynyń energetıka jáne turǵyn úı-kommýnaldyq sharýashylyq basqarmasynyń basshysy Murat Iǵalıev málim etti, dep habarlaıdy QazAqparat.
Kósheni jaryqtandyrý jelilerin salý aǵymdaǵy jyly bastalyp, 2019 jyldyń sońyna deıin jalǵasady.
Spıker óz baıandamasynda 2017 jyldan beri «Atyraý qalasyndaǵy kóshe jaryǵy jelileriniń qurylysyn salý jáne paıdalaný» jobasy memlekettik-jekeshelik áriptestik aıasynda iske asyrylyp otyrǵanyn málim etti.
«Jobany «BatysTranzıt» AQ júzege asyrady. Olarda qazirdiń ózinde tabysty seriktestiktiń tájirıbesi bar. Ótken jyly mekeme 19 kóshede jaryq dıodty shamdar ornatsa, bıylǵy jyly taǵy 20 kóshede jumysty aıaqtady. Memlekettik-jekeshelik áriptestik boıynsha eki qosymsha joba aıasynda qalanyń 192 kóshesin jaryqtandyrý josparlanýda. Sonymen qatar Atyraý-Inder, Atyraý-Dossor tas joldary jaryqtandyrylady, - dep málimdedi Energetıka jáne turǵyn úı-kommýnaldyq sharýashylyq basqarmasynyń basshysy Murat Iǵalıev.
