Memlekettik-jeke seriktestik tetikterin damytýda qoldanystaǵy zańnamaǵa ózgerister men tolyqtyrýlar engizý kerek - Asqar Nesipbaev
ALMATY. 11 maýsym. QazAqparat /Erlik Erjanuly/ - Almatyda memlekettik-jeke seriktestik aıasynda ártúrli salada birneshe jobalar júzege asyrylady. Bul keshe Almatyda ótken І «Qazaqstandaǵy memlekettik-jeke seriktestik» dep atalatyn konferentsııada sóz boldy.
«Memlekettik-jeke seriktestik aıasynda jobalardy birlesip júzege asyrýda máseleler bar. Atap aıtqanda, qoldanystaǵy qazirgi zańnamada memlekettik-jeke seriktestik aıasyndaǵy nysandardy salýda merdigerlermen zaem quraldaryn tartýǵa baılanysty bıýdjet shyǵyndaryn qalypyna keltirý múmkindikteri rettelmegen. Osy maqsatta Eýropa qaıta qurý jáne damý bankiniń granttyq quraly esebinen qala ákimdigi memlekettik-jeke seriktestik aıasyndaǵy «Jeńil relsti kólik jelisi qurylysy» jobasyn qúrylymdaýǵa aldyn-ala zertteý júrgizildi. Zertteý barysynda halyqaralyq keńesshiler memlekettik-jeke seriktestik tetikterin jetildirý úshin normatıvtik-quqytyq aktilerge ózgerister engizý úshin usynymdar jasady», - deıdi «Almaty qalasynyń damý ortalyǵy» AQ-nyń Atqarýshy dırektoryAsqar Nesipbaev. Onyń aıtýynsha, qala ákimdigi taıaý ýaqytta memlekettik-jeke seriktestik aıasynda - «Jeńil relsti kólik jelisi qurylysy», «Qatty turmys qaldyqtaryn joıý polıgony qurylysy», «Parkıng júıesin qurý» jobalaryn júzege asyrǵaly otyr. Jeńil relsti kólik jobasyn iske asyrýda memlekettik qarjylandyrý respýblıkalyq bıýdjet trasferti arqyly júrgizý syzbasy jasaldy. Onda jol qurylysy men ony keńeıtý jáne tramvaı joldaryn jańartýdy respýblıkalyq bıýdjet esebinen, al jyljymaly quramdy alýdy ınvestorlar esebinen alý kózdelip otyr. Jeńil relsti kólik jelisi odan keıin Metropolıten basqarmasyna, ne jeke ınvestorǵa berilmek. Al qatty turmys qaldyqtaryn joıý polıgony jobasynda qaldyqtardy bólý jáne óńdeý jáne ekologııalyq taza bıogaz ben elektr energııasyn alý qyzmetteri biriktirilip otyr. Bul aldaǵy ýaqytta aýaǵa taralatyn CO2 men metan deńgeıin azaıtýǵa múmkindik bermek.
