Memlekettik jastar saıasatyn jastardyń talqysyna salý qajet - maman pikiri
ASTANA. 17 qazan. QazAqparat - Búginde Memlekettik jastar saıasatynyń 2020 jylǵa deıingi tujyrymdamasyn jas urpaqtyń ózi talqyǵa salýy tıis.
Búgin Sáken Seıfýllın atyndaǵy Qazaq Agrotehnıkalyq ýnıversıtetinde bastalǵan «Jastar saıasatyn jańǵyrtý - búgingi Qazaqstan damýynyń negizgi baǵyty» taqyrybyndaǵy ǵylymı-tájirıbelik konferentsııada Gýmanıtarlyq zertteýler jáne bilim berý tehnologııalary ortalyǵynyń dırektory, dotsent Aınur Abdına osylaı aıtty.
«Máselen, men qazir Memlekettik jastar saıasatynyń 2020 jylǵa deıingi tujyrymdamasynyń negizgi baǵyttary týraly suraıtyn bolsam, osy jerde otyrǵan jastardyń biren-sarańy ǵana jaýap bere alatyny jasyryn emes. Al bul qujattyń jobasy daıyn boldy. Onymen jastardyń ózi tanyspasa, sol tujyrymdamada kórsetilgen maqsat-mindetterdi kim iske asyrady? Sondyqtan búgingi jas urpaq osy bastamadan tys qalmaı, Memlekettik jastar saıasatynyń 2020 jylǵa deıingi tujyrymdamasyn talqylaý jumysyna belsene qatysýy qajet», - deıdi A.Abdına. Mamannyń paıymdaýynsha, búginde jastar saıasaty memlekettik sıpatqa ıe bolǵandyqtan, ony qoǵam ishinde emes, kóbinese memlekettik organdarda talqylap jatady. Ol qujatty «Jastar saıasaty tujyrymdamasy» dep atasa da bolady.
