Memlekettik jáne jergilikti organdardyń ınternet-resýrstaryndaǵy kemshilikti ataldy
ASTANA. QazAqparat - QR Aqparat jáne kommýnıkatsııalar mınıstri Dáýren Abaev memlekettik jáne jergilikti organdardyń ınternet-resýrstaryndaǵy kemshilikti atady, dep habarlaıdy QazAqparat.
«Aqparatqa qol jetkizý týraly» zańnyń oryndalýynyń mańyzdylyǵyn memlekettik organdar túsingenimen halyq atalǵan zań ıgiligin qalaı paıdalaný kerektigin bile bermeıdi. Máselen, keshe Premer-Mınıstr ІT-kompanııa ókilderimen kezdesti. Olardyń barlyǵy da ózderiniń jumystaryna paıdaly bolýy múmkin qajetti málimetterdi ashýdy surady. Biz bolashaqta málimetterdiń joǵary suranysqa ıe ónimderge aınalatyndyǵyn túsinýimiz kerek», - dedi mınıstr «Aqparatqa qol jetkiz týraly» QR zańynyń iske asyrylý barysyna arnalǵan dóńgelek ústel otyrysynda.
Onyń aıtýynsha, 2016 jyldyń qorytyndysynda Ádilet, Densaýlyq saqtaý, Investıtsııalar jáne damý, Ulttyq ekonomıka, Energetıka mınıstrlikteriniń saıttary joǵary baǵa alǵan. Al jergilikti atqarýshy organdardyń ishinde Soltústik Qazaqstan oblysy ákimdiginiń ınternet-resýrsy paıdalanýshylar arasynda aldyńǵy orynda keledi.
«Aǵymdaǵy jyldyń aqpanynda mınıstrlik vıdeokonferentsııa rejıminde jergilikti atqarýshy organdarmen keńes ótkizdi. Onyń aıasynda olardyń ınternet-resrýstaryna júrgizilgen monıtorıng nátıjesi talqylandy. Bul máselege qatysty barlyq problemany óńirlerdegi áriptesterimizben tyńǵylyqty taldap, sheshý joldaryn belgiledik. Kelesi kezdesýdi birinshi jartyjyldyqtyń monıtorıng nátıjesi boıynsha osy jyldyń shilde aıynda ótkizýdi josparlaýdamyz», - dedi Dáýren Abaev.
Sonymen qatar ol saladaǵy sheshimin tappaǵan birqatar problemanyń da saqtalyp otyrǵandyǵyn basa aıtty.
«Memlekettik organdardyń aǵymdaǵy qyzmeti týraly aqparattar deklaratıvti sıpatqa ıe jáne jıi ózektendirilmeıdi. Internet-resýrstarda jalpy sıpattaǵy aqparattar, memlekettik organdarǵa qatysty statıstıkalar, shyǵarmashylyq qyzmet týraly málimetter ǵana ashylady. Ekinshiden, ótkizilgen tekserýler jaıyndaǵy aqparattar is júzinde jarııalanbaıdy desek te bolady. Ádette, ınternet-resýrsta tekserý jospary jarııalanǵanymen onyń nátıjeleri bolmaıdy», - dedi Dáýren Abaev.
Sonymen qatar mınıstrdiń aıtýynsha, jergilikti atqarýshy organdardyń ınternet-resýrstarynda aýyl halqyna memlekettik qoldaý sharalary týraly anyqtamalyq jáne konsýltatıvtik aqparattar tómen deńgeıde berilgen. Internet-resýrstardyń basym bóligi qoldanýshylar úshin yńǵaıly jasalmaǵan.
