Memlekettik jáne ulttyq joǵary oqý oryndary satylmaıdy - Qasym-Jomart Toqaev
NUR-SULTAN. QazAqparat - Memlekettik jáne ulttyq joǵary oqý oryndary satylmaıdy. Bul týraly Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Meniń tapsyrmama sáıkes, joǵary oqý oryndarynyń qurylymyn ózgertý jumystary júrgizilýde. Kóptegen joǵary oqý orny kommertsııalyq emes aktsıonerlik qoǵamǵa aınaldy. Bul el ishinde ártúrli áńgime týǵyzýda. Sondaı-aq biri memlekettik joǵary oqý oryndary keıinnen jekemenshikke satylýy múmkin degen de kúdik bar. Osyǵan oraı memlekettik jáne ulttyq joǵary oqý oryndary satylmaıtyny jóninde málimdeımin», - dedi Memleket basshysy.
Qasym-Jomart Toqaev bul másele aıryqsha nazarda ekendigin basa aıtty.
