Memlekettik jańa tehnologııalar baǵdarlamasy iske asyryla bastady
ALMATY. Tamyzdyń 13-i. QazAqparat /Erbol Turymbetov/ - Qazaqstan Respýblıkasynyń Indýstrııa jáne jańa tehnologııalar mınıstrligi №85-shi «Zamanaýı basqarý tehnologııalaryn engizý» memlekettik bıýdjettik baǵdarlamasyn júzege asyra bastady,
dep habarlaıdy QazAqparat.
Bul baǵdarlamada uqyptylyq óndirisin iske asyrý jáne óndiristegi bıznes-úderisterdiń tıimdiligin arttyrýdy maqsat etedi. Baǵdarlamany júzege asyrý barysynda kásiporyndarda Kaıdzen ustanymdaryn endirý alǵa qoıylǵan.
«Elimizdegi óndiristik nysandarǵa jańa tehnologııalardy engizý búginde úlken qajettilik týǵyzyp otyr. Qolǵa alynyp otyrǵan memlekettik baǵdarlama aıasynda Kaıdzen ádisterin qoldanysqa endirý arqyly biz jańa tehnologııalardy damytýda úlken tabystarǵa jetemiz», deıdi «Injınırıng jáne tehnologııalar transferti ortalyǵy» AQ-nyń basqarma dırektory Bolat Menshik.
Atalmysh memlekettik baǵdarlama 3 kezeńnen turady. Sońǵy 3-shi kezeńinde kásiporyndar basshylary men halyqaralyq sarapshylar jáne Indýstrııa jáne jańa tehnologııalar mınıstrliginiń basshylarynyń qatysýymen osy jyldyń qarashasynda Kaıdzen-forým uıymdastyrylady dep josparlanǵan.
