Memlekettik ýnıversıtetterdiń bir bóligi shetel jáne otandyq ınvestorlar konsortsıýmdarynyń senimdi basqarýyna beriledi - B.Jumaǵulov
ASTANA. 12 maýsym. QazAqparat - Memlekettik ýnıversıtetterdiń bir bóligi shetel jáne otandyq ınvestorlar konsortsıýmdarynyń senimdi basqarýyna beriledi.
Bul týraly búgin Astanada ótken halyqaralyq forýmda QR Bilim jáne ǵylym mınıstri Baqytjan Jumaǵulov málim etti.
"Qazaqstan, Reseı jáne Belarýs elderiniń taýar naryǵyn, qyzmet kórsetý salasyn jáne jumys kúshterin biriktiretin Eýrazııalyq ekonomıkalyq odaqty qurý isi qarqyn alýda. Onyń sátti júzege asyrylýy úshin joǵary bilim berý jáne ǵylym salasynyń damýy úlken ról atqarady. Osy maqsatta biz eń aldymen akademııalyq ortany eýrazııalyq jáne jalpy álemdik keńistik aıasynda yqpaldastyrýdy kózdeýdemiz. Jaqyn bolashaqta áriptestiktiń taǵy bir formasy retinde, Elbasy N.Nazarbaevtyń bastamasymen memlekettik ýnıversıtetterdiń bir bóligi shetel jáne otandyq ınvestorlar konsortsıýmdarynyń senimdi basqarýyna beriledi. Bul negizinen tehnıkalyq baǵyttaǵy ýnıversıtetterge baılanysty bolmaq. Qazir osy jumyspen biz belsendi aınalysýdamyz", - dedi mınıstr.
