Memlekettik turǵyn úı qorynan turǵyn úı berýge qatysty qaýlyǵa tolyqtyrýlar engizildi

Bul týraly QR Úkimetiniń baspasóz qyzmeti habarlady.

***

Qazaqstan Respýblıkasy Úkimetiniń 2020 jylǵy 27 mamyrdaǵy №327 Qaýlysy

«Memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý jáne paıdalaný qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1420 qaýlysyna ózgerister men tolyqtyrýlar engizý týraly

Qazaqstan Respýblıkasynyń Úkimeti QAÝLY ETEDІ:

1. «Memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý jáne paıdalaný qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 1 jeltoqsandaǵy № 1420 qaýlysyna (Qazaqstan Respýblıkasynyń PÚAJ-y, 2012 j., № 5, 88-qujat) mynadaı ózgerister men tolyqtyrýlar engizilsin:

kórsetilgen qaýlymen bekitilgen Memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý jáne paıdalaný qaǵıdalarynda:

birinshi taraýdyń ataýy mynadaı redaktsııada jazylsyn:

«1-taraý. Jalpy erejeler»;

2-tarmaqtyń 1) tarmaqshasy mynadaı redaktsııada jazylsyn:

«1) memlekettik turǵyn úı qory – kommýnaldyq turǵyn úı qoryna, memlekettik kásiporyndardyń turǵyn úı qoryna ne memlekettik mekemelerdiń turǵyn úı qoryna tıesili jáne respýblıkalyq nemese kommýnaldyq múlik quramyna kiretin turǵynjaılar»;

ekinshi taraýdyń ataýy mynadaı redaktsııada jazylsyn:

«2-taraý. Memlekettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jaldaǵan turǵyn úı berý tártibi»;

6-1-tarmaq mynadaı redaktsııada jazylsyn:

«6-1. Memlekettik mekemelerdiń turǵyn úı qorynan turǵynjaılar osy Qaǵıdalardyń 6-2, 6-5 jáne 6-6-tarmaqtarynda kózdelgen jaǵdaılardy qospaǵanda, osy mekemeniń osy eldi mekendegi turǵyn úıge muqtaj qyzmetkerleriniń paıdalanýyna beriledi»;

mynadaı mazmundaǵy 6-6-tarmaqpen tolyqtyrylsyn:

«6-6. Nur-Sultan qalasynyń turǵyn úı qoryn esepke alý jáne ustaý salasyndaǵy kommýnaldyq memlekettik mekemeniń turǵyn úı qorynan turǵynjaılar osy eldi mekendegi turǵyn úıge muqtaj memlekettik qyzmetshilerdiń jáne bıýdjettik uıymdar qyzmetkerleriniń paıdalanýyna beriledi.

Nur-Sultan qalasynyń memlekettik organdary men bıýdjettik uıymdary turǵyn úı komıssııasy bekitken turǵynjaıǵa muqtaj adamdar tizimin Nur-Sultan qalasynyń turǵyn úı qoryn esepke alý jáne ustaý salasyndaǵy kommýnaldyq memlekettik mekemege jiberedi»;

9-tarmaqta:

5) jáne 7) tarmaqshalar alyp tastalsyn;

mynadaı mazmundaǵy ekinshi bólikpen tolyqtyrylsyn:

«Menshik quqyǵynda olarǵa tıesili turǵynjaıdyń (Qazaqstan Respýblıkasy boıynsha) bolýy nemese joqtyǵy týraly málimetterdi, otbasynyń barlyq músheleriniń mekenjaıy týraly málimetterdi turǵyn úı komıssııasy aqparattyq júıeler arqyly alady»;

úshinshi taraýdyń ataýy mynadaı redaktsııada jazylsyn:

«3-taraý. Memlekettik turǵyn úı qoryndaǵy turǵyn úıdi nemese jeke turǵyn úı qorynan jergilikti atqarýshy organ jaldaǵan turǵyn úıdi paıdalaný tártibi».

2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Premer-Mınıstri A. Mamın