Memlekettik turǵyn úı qorynan baspanaǵa muqtaj azamattardy esepke alý memlekettik qyzmetterin kórsetý standarty bekitildi
ASTANA. Sáýirdiń 3-i. QazAqparat - QR Premer-Mınıstri Kárim Másimov «Elordanyń, respýblıkalyq mańyzy bar qalalardyń, aýdandardyń (oblystyq mańyzy bar qalalar) jergilikti atqarýshy organdarynda jeke turǵyn úı qorynan jergilikti atqarýshy organdar jaldaǵan turǵyn úılerge nemese memlekettik turǵyn úı qoryndaǵy turǵyn úıge muqtaj azamattardy esepke alý» memlekettik qyzmetterin kórsetý standarttaryn bekitý týraly qaýlyǵa qol qoıdy, dep habarlaıdy resmı buqaralyq aqparat quraldary.
2008 jylǵy jeltoqsannyń 4-indegi QR Bıýdjettik kodeksiniń 34-baby 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan «Elordanyń, respýblıkalyq mańyzy bar qalalardyń, aýdandardyń (oblystyq mańyzy bar qalalar) jergilikti atqarýshy organdarynda jeke turǵyn úı qorynan jergilikti atqarýshy organdar jaldaǵan turǵyn úılerge nemese memlekettik turǵyn úı qoryndaǵy turǵyn úıge muqtaj azamattardy esepke alý» memlekettik qyzmetterin kórsetý standarttary bekitilsin.
2. Osy qaýly resmı jarııalanǵan kúnnen bastap 10 kúntizbelik kún aıaqtalǵannan keıin qoldanysqa engiziledi.
Qaýlynyń tolyq mátini respýblıkalyq BAQ-tarda jarııalandy.
