Memlekettik turǵyn úı qorynan baspana berý isinde tehnıkalyq kemshilikter talqylandy

ASTANA. QazAqparat – Astana qalasy qoǵamdyq keńesiniń kezekti otyrysynda turǵyndarǵa memlekettik qyzmetter kórsetý kezinde jolyǵatyn tehnıkalyq kedergiler talqylandy, dep habarlaıdy QazAqparat tilshisi.

Bul másele týraly QR Memlekettik qyzmet isteri agenttiginiń Astana qalasy boıynsha departamentiniń basqarma basshysy Aıjan Ýmaralıeva aqparat berdi.

Aıtýynsha, turǵyndarǵa memlekettik qyzmetter kórsetý kezinde zańnamanyń saqtalý deńgeıine tekserý júrgizilgen.

«Tekserý qorytyndysy boıynsha memlekettik turǵyn úı qorynan beriletin turǵyn úıge nemese jeke turǵyn úı qorynan jergilikti atqarýshy organ jaldaǵan turǵyn úıge muqtaj azamattardy esepke alý jáne kezekke qoıý qyzmetterin kórsetý kezinde tirkelgen quqyq buzý faktileri anyqtaldy. Atap aıtsaq, atalǵan mándegi ótinishterdi oryndaýdan bas tartýǵa negiz bolǵan sebepterdi túsiniktietip kórsete otyryp, habardar etý boıynsha tehnıkalyq problemalar bar.

Atalǵan memlekettik qyzmetterdi kórsetýden bas tartylǵany týraly málimetti joldaý kezinde qyzmet alýshylarǵa bas tartýdyń sebepterin ashyp kórsetý tehnıkalyq turǵydan múmkin bolmaǵan», - dedi ol.

Basqarma basshysynyń málimeti boıynsha, osyǵan uqsas kemshilikter memlekettik baǵdarlamalar aıasynda qyzmet kórsetý kezinde de oryn alǵan.

«Qazirgi ýaqytta, mundaı tehnıkalyq másele jańa «Shanyraq» turǵyn úıge kezek» aqparattyq júıesinde de bar.

Al «Memlekettik turǵyn úı qorynan beriletin turǵyn úılerdi jekeshelendirý» qyzmeti boıynsha «Kazyna.kz» aqparattyq júıesinde tapsyrý aktisin tirkeý, kórsetiletin qyzmetti berýshi men kórsetiletin qyzmetti alýshy arasyndaǵy turǵyn úıdi jekeshelendirý týraly shartty keıinnen tirkeý úshin ádilet organdarynyń aqparattyq júıelerimen jáne «Azamattarǵa arnalǵan úkimet» kommertsııalyq emes aktsıonerlik qoǵamymen ıntegratsııalanbaǵan.

Sonymen qatar, «Kazyna.kz» aqparattyq júıesiniń tehnıkalyq kemshilikterine baılanysty qyzmet alýshylardan aqparattyq júıelerde daıyn turǵan qujattar men málimetterdi talap etý faktileri anyqtaldy», - degen departament ókili osy máseleni joıý úshin jaýapty ortalyq organdarǵa qalalyq máslıhat depýtattarynyń usynymy negizinde málimet joldaý qajettigin aıtty.

Depýtattar usynysty qabyldap, Astana turǵyndary tap keletin bul kedergilerdi joıý isinde departamentke qoldaý bildirý qajet degen sheshimge qabyldady.

Foto: media.avisen.dk