Memlekettik týdy kóterý qurmeti kez kelgen sarbazǵa rýh beredi - serjant B.Súleımenov.
ASTANA. 4 maýsym. QazAqparat - Búgin QR Memlekettik rámizder kúnine oraı Іshki áskerdiń Bas qolbasshylyǵy bólimshesinde Memlekettik týdy kóterý saltanaty ótti.
Іshki ásker qatarynda atqaryp júrgen qaltqysyz qyzmeti úshin serjant Baýyrjan Súleımenov pen kapıtan Temirlan Berdibekov Memlekettik týdy kóterý qurmetine ıe boldy. Al QR Іshki ister mınıstrligi Іshki áskerdiń Bas qolbasshysy Rýslan Jaqsylyqov úzdik áskerı qyzmeti úshin birqatar sarbazdarǵa alǵys hattardy tabys etti.
«Memlekettik rámizder kúniniń negizgi ıdeıasy - qazaqstandyq patrıotızmdi kúsheıtý. Sol sebepti bul meıram Іshki áserdiń barlyq bólimshelerinde atap ótiledi. Áskerı qyzmetin úzdik atqarǵandar Memlekettik týdy kóterý qurmetine ıe bolady. Bunyń ózi sarbazdarǵa rýh berip, Otan úshin maqtanysh sezimin kúsheıtedi», - deıdi serjant B.Súleımenov.
QR Memlekettik rámizder kúnine oraı Іshki áskerdiń Bas qolbasshylyǵy bólimshesinde ótken saltanatty shara merekelik sherýmen aıaqtaldy.
