Memlekettik týdan qap jasap, qoqys tasyǵan júk kóliginiń vıdeosy Almatyda túsirilmegen

ALMATY. QazAqparat - Áleýmettik jelide memlekettik týdan qapshyq jasap, qoqys tasyǵan júk kóliginiń vıdeosy tarady, dep habarlaıdy QazAqparat tilshisi.

Vıdeo avtorynyń aıtýynsha, bul oqıǵa Almatynyń Jetisý aýdanyndaǵy Bókeıhanov kóshesinde senbilik ótip jatqan jerde bolǵan.

ıAǵnı, qoqys shyǵarýǵa arnalǵan qapshyq ornyna elimizdiń memlekettik týyn qoldanǵan.

Osy oqıǵaǵa Jetisý aýdanynyń ákimdigi túsinik berdi.

«Vıdeodaǵy arnaıy tehnıka Almaty qalasy Jetisý aýdanynyń sanıtarlyq tazalyǵyna jaýapty merdiger uıymdardyń eshqaısysyna tıesili emes. Sondaı-aq Bókeıhanov kóshesinde Jetisý aýdanynyń uıymdary senbilik ótkizbegenin habarlaımyz. Usynylǵan vıdeoda Nur - Sultan qalasyna tıesili aımaq-01 serııasynyń memlekettik nómiri kórsetilgen»,- dep jaýap berdi ákimdikten.

Sonymen qatar, Jetisý aýdany ákimdigi Nur-Sultan qalasynyń polıtsııa departamentinen avtokóliginiń kimge tıesili ekenin anyqtaýdy ótindi.

«Óz kezegimizde biz vıdeo avtoryn jalǵan aqparat bergeni úshin jaýapkershilikke tartý úshin Almaty qalasynyń polıtsııa departamentine aryz túsirdik»,- dep atap ótti Almaty qalasy Jetisý aýdany ákimdiginiń ókilderi.

Aıta keteıik, qazaqstandyqtarǵa 2020 jylǵa deıin týdy tipti balkonǵa ilýge ruqsat etilmegen edi.

Biraq artynsha qazaqstandyqtardyń zańdy qaıta qaraý kerek degen ótinishinen keıin týdy qoldaný erejeleri qaıta bekitildi.