Memlekettik tólemder adamnyń qatysýynsyz arnaıy júıe arqyly taǵaıyndalady

ASTANA. QazAqparat – Endigi ýaqytta áleýmettik memlekettik tólemder adamnyń qatysynsyz arnaıy júıe arqyly taǵaıyndalady. Bul týraly QR Eńbek jáne halyqty áleýmettik qorǵaý vıtse-mınıstri Erbol Ospanov málim etti, dep habarlaıdy QazAqparat tilshisi.

«Bizge áleýmettik qyzmetter boıynsha turǵyndardan shaǵym túsip jatady. Qyzmet uzaq ári júıesiz kórsetiledi degen formatta. Máseleni sheshý maqsatynda ótken jyly arnaıy júıeni iske qostyq. Atalǵan júıe kimge qandaı áleýmettik memlekettik tólem tıesili ekenin anyqtaıdy. ıAǵnı júıe azamatqa qatysty tıisti málimetterdi jınaıdy. Odan ári bizdiń mınıstrlik málimetterge súıene otyryp, azamatqa memlekettik tólemdi taǵaıyndaıdy nemese bas tartady. Endigi ýaqytta júıeniń memlekettik tólemdi avtomatty túrde anyqtap, taǵaıyndaýyn qarastyryp jatyrmyz. ıAǵnı, bul jerde adamnyń qatysy joq, júıe ózi belgileıdi. Osy arqyly qyzmet kórsetý merzimin qysqarta túspekpiz», - dedi Erbol Ospanov Astanada ótip jatqan adam jáne ǵalamsharǵa arnalǵan tsıfrlyq sheshimder taqyrybyndaǵy konferentsııada.

Vıtse-mınıstr keltirgen málimetterge sáıkes, bıyl 1 jeltoqsanǵa deıin elimizde áleýmettik salada 13,1 mln qyzmet kórsetildi. Onyń ishinde 10,6 mln qyzmet elektrondy jáne 1,0 mln qyzmet proaktıvti túrde usynyldy.

Buǵan deıin habarlaǵanymyzdaı, kelesi jyldan bastap elimizde otbasynyń tsıfrlyq kartasy engizilmek.