Memlekettik tilge jaýapty organdardyń aıasyn keńeıtý kerek - A. Aıtaly
ASTANA. Shildeniń 26-sy. QazAqparat /Rýslan Ǵabbasov/ - Memlekettik tilge jaýapty organdardyń aıasyn keńeıtý kerek.
Búgin Úkimette Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasy talqylanǵan otyrysta belgili qoǵam qaıratkeri, professor Amangeldi Aıtaly osyndaı pikir bildirdi.
«Baǵdarlamanyń ekinshi betinde ony iske asyrý úshin jaýapty memlekettik organdar atalǵan. Onyń ishinde tek 9 mınıstrlik belgilengen. Basqa mınıstrlikter bul baǵdarlamany iske asyrýǵa jaýapty emes pe? Bul qalaı degen suraq týady?», -dep toqtaldy A. Aıtaly.
«Bul memlekettik tilge barlyq memlekettik organdar, quqyq qorǵaý organdary, barsha sot júıesi, Prezıdent Ákimshiligi, Konstıtýtsııalyq Keńes, sondaı-aq basqa da mekemelerdiń barlyǵy jaýapty. Sondyqtan jaýapty organdardyń aıasyn keńeıtip, tolyǵyraq jazý kerek»,- dedi ǵalym.
