Memlekettik tilge qatysty kedergilersiz, sapaly ınternetti qashan paıdalana alamyz? - N. Ónerbaı
ASTANA. Sáýirdiń 21-i. QazAqparat /Qanat Mámetqazyuly/ - Memlekettik tilge qatysty kedergilersiz, sapaly ınternetti qashan paıdalana alamyz? Búgin QR Parlamenti Májilisiniń jalpy otyrysynda «QR keıbir zańnamalyq aktilerine QR «elektrondyq úkimetin» damytý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Nurlan Ónerbaı osylaı málim etti,
dep habarlaıdy QazAqparat.
«Búgingi kúni Úkimettiń portalynda, elektrondyq júıedegi Qazaqstannyń memlekettik tiliniń óz dárejesinde qoldanylmaı jatqandyǵy alańdatady. Qazirgi tańda ınternet júıesi boıynsha qazaq tilindegi saıttar bar, memlekettik tilde elektrondyq jelide ınternetti paıdalana alamyz delingenimen, basym jaǵdaıda tilge qatysty kedergiler aldan shyǵyp turady. Buny ıneternet arqyly hat alysqanda jıi baıqaımyz. Elektrondyq júıemen jumys istegenimizge de birshama ýaqyt bolyp qalǵanyna qaramastan, bundaı olqylyq áli kúnge joıylmaı keledi. Biz memlekettik tildegi kedergilersiz, sapaly ınternetti qashan paıdalana alamyz?», dedi N. Ónerbaı.
Sonymen birge, depýtat sandyq júıedegi telearnalarǵa qatysty problemany aıta kele, táýlik boıy qazaq tilinde habar taratatyn arna ashý máselesine taǵy da toqtalyp ótti. «Bundaı ulttyq arnany qazaq kórermenderi qashan tamashalaı alady?», dedi N. Ónerbaı.
