Memlekettik tildi jetik meńgerý úshin bizge tildik orta kerek - ıÝlııa Gromova
ALMATY. 3 shilde. QazAqparat - «Ulytaý» mádenı-lıngvıstıkalyq lageri tildik ortany qalyptastyrý arqyly qazaq tilin qalaı jyldam úırenýge bolatynyn dáleldep otyr.
Bul týraly atalmysh jobanyń bıylǵy jylǵy 2-shi maýsymynyń qatysýshysy bolǵan Halyqaralyq bıznes akademııasy kolledjiniń stýdenti ıÝlııa Gromov keshe biliktilik sertıfıkatyn tapsyrý kezinde aıtty.
«Men byltyr Almatydaǵy №211 gımnazııany bitirip, Halyqaralyq bıznes akademııasynyń kolledjine oqýǵa túsken edim. Qazaq tili gımnazııada da, kolledjde de bilim berý baǵdarlamasyna engen. Alaıda úırene almadym. Sondyqtan bıyl «Ulytaý» mádenı-lıngvıstıkalyq lagerinde arnaıy meńgerýge bel býǵan edim, úmitim aqtaldy», - deıdi ıÝ.Gromova. Ázirge qazaq tilinde asa jatyq sóıleı almaıtynyn aıtqan ıÝlııa munda 8 kúnniń ishinde «Egiz lebiz» ánin, «Qara jorǵa» bıin úırenip, qazaqtyń birqatar ulttyq salt-dástúrinen maǵlumat alyp, sózdik qoryn aıtarlyqtaı ulǵaıtqanyn maqtanyshpen jetkizdi. Memlekettik tildi meńgerýde tildik ortanyń róli erekshe ekenin aıtqan ol dostarynyń bári orys tilinde sóıleıtinin sondyqtan munda úırengenin endi ary qaraı jetildirý birshama qıyndyq týdyratynyn da jasyrmady. Aldaǵy maýsymda bul lagerge ózge tanystaryn tartýǵa jáne múmkindik bolsa ózi de qaıta oralýǵa tyrysatynyn jetkizgen ıÝ.Gromova orys tildi jastar úshin qazaq tilin meńgerýdi mundaı jobalardyń mańyzy erekshe ekenin basa aıtty.
