Memlekettik tildi jetik biletin polıtseıler baıqaýy ótýde

TALDYQORǴAN. QazAqparat - Taldyqorǵanda Qazaqstan Respýblıkasy ishki ister mınıstrliginiń uıymdastyrýymen «Parasatty polıtseı» baıqaýy bastaldy. 9-shi ret ótkizilip jatqan til dodasyna ár oblystan jalpy 200-den astam tártip saqshysy qatysýda, dep habarlaıdy QazAqparat tilshisi.

Saıystyń alǵashqy kúninde qatysýshylar qarttar kúnine oraı Tekeli qalasyndaǵy qarttar úıine baryp, syı-sııapat berip, án-jyrdan shashý shashty. Jalpy bul baıqaý maqsaty ishki ister organdarynda qyzmet etetin tártip saqshylarynyń qazaq tilin jetik meńgerýge yqpal etý. Sondaı-aq, kásibı termınderdi durys qoldanyp, qyzmettik qujattardy qatesiz rásimdeýdi úıretý.

«Bizdiń baıqaýǵa qatysýshylar osy qyzmetkerler. Mysaly tergeý salasynan bar dep aıtýǵa bolady. Olar endi isti júrgizgende jyldan-jylǵa tilimizge degen qurmeti kóterilip kele jatyr. Qazaq tilinde júrgizedi. Jáne osy baıqaýdyń ótýi óziniń bir kómegin, septigin tıgizedi», - dedi QR ІІM baspasóz qyzmeti basqarmasynyń basshysy Álııa Shermaǵanbetova.