Memlekettik tildi úıretýdi jandandyrýǵa jańasha talap, qarymdy qulshynys qajet - Til komıtetiniń tóraǵasy
STANA. Shildeniń 15-i. QazAqparat /Marlan Jıembaı/ - Elordada QR Mádenıet mınıstrliginiń qaramaǵyndaǵy Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy bazasynda «Memlekettik tildi úıretýdiń ǵylymı jáne ádistemelik máseleleri» atty respýblıkalyq ǵylymı-praktıkalyq semınar ótip jatyr.
Memlekettik tildi meńgerý barysyndaǵy keıbir keleńsizdikterdiń aldyn alyp, til úıretýdiń sapaly deńgeıge kóterilýine yqpal jasaý maqsatynda ótkizilip otyrǵan sharaǵa oblystyq, qalalyq, jáne óńirlik til úıretý ortalyqtarynyń basshylary men ádisker oqytýshylary, ǵalymdar men tili bilim salasynyń mamandary qatysýda. Alqaly jıyn barysynda sóz alǵan QR Mádenıet mınıstrligi Til komıtetiniń tóraǵasy B.Omarov, «Memlekettik tildi úıretýdi jandandyrýǵa jańasha talap, qarymdy qulshynys qajet. Qolda bar oqý quraldaryn oryndy paıdalana otyryp, olardy ary qaraı jetildirýge erekshe kóńil bólý kerek. Bul oraıda ádisker mamandardyń eń aldymen ozyq tehnologııalardy qoldaný arqyly úıretý úlgilerin ázirleýge umtylýy tıis», degen pikirin ortaǵa saldy.
Sondaı-aq jıyn barysynda esimi tanymal fılolog-ǵalymdar baıandama jasap, memlekettik tildi oqytýdyń jańa úlgileri men oqytýdyń tıimdi joldaryn usyndy. Semınar barysynda memlekettik tildi oqytýda kezdesetin keıbir keleńsizdikter jaıy da nazardan tys qalmady.
Elorda tórinde bas qosqan til mamandary oqytýdyń jańa ádis-tásilderin qoldana otyryp, barynsha memlekettik tildi jedeldetýdiń ınnovatsııalyq múmkindikterin paıdalaný joldaryn qarastyrdy.
