Memlekettik tildi úırený úshin qarapaıym qazaqtyń arasyna barý qajet - ulty orys Natalıa Tambovtseva
ASTANA. 30 mamyr. QazAqparat - Búgin QR Mádenıet jáne aqparat mınıstrliginiń Til komıtetinde ótken jıyn barysynda Aqtóbe oblysynyń turǵyny, qazaq tilin jetik meńgergen Natalıa Tambovtseva óz tájirıbesimen bólisip, memlekettik tildi meńgerý joldary jaıynda aıtty.
N.Tambovtsevanyń ulty orys bolsa da, onyń qazaq tiliniń janashyry ekendigin birden baıqaýǵa bolady. Jıyn barysynda qazaqshaǵa sýdaı Natalıa memlekettik tildiń búgingi jaǵdaıyn úlken tolǵanyspen jetkizdi. «Ókinishke qaraı, bizdiń aýdanymyzda tilmen aınalysatyn bólim joq. Qazaq tiliniń damýyna kitap tapshylyǵy da qatty áser etip otyr. Meniń kishkentaı balam bar. Ol balabaqshalarǵa arnalǵan qazaq tildi kitaptardyń azdyǵy týraly jıi aıtady. «Sol kitaptar kóbeıse eken..» degen sálemin joldaǵan edi. Qyzym, buıyrsa, altyǵa tolady. Biz onymen birge qazaq tildi ertegilerdi taba almaı, dal bolyp jatamyz. Telearnalardy qarap otyrsaq, kóńil aýlaıtyn shoýlar basym, olardyń kóbisi shetelden kóshirilgen. Menińshe, memlekettik tildegi baǵdarlamalardy kóbeıtý qajet. Kóshedegi jarnamalardy sholyp shyqsaq, qazaq tilindegi jazýlarda qate tunyp tur. Osyny baqylaıtyn bireý bar ma?», - deıdi N.Tambovtseva.
Al «Siz ózge ulttyń ókili retinde qazaq tilin qalaı úırený kerek dep keńes bere alasyz?» degen suraqqa Natalıa: «Aýylǵa baryp, elmen etene tanysqan durys. Qarapaıym qazaq turatyn jerlerge jıi barý kerek», - dep qysqa da nusqa qaıyrdy.
