Memlekettik tildi meńgerý Qazaqstannyń árbir azamatynyń mindeti men paryzy bolýy kerek - E. Toǵjanov

  ASTANA. 24 aqpan. QazAqparat - Memlekettik tildi meńgerý Qazaqstannyń árbir azamatynyń mindeti men paryzy bolýy kerek.

Bul týraly búgin Astanada  «Birlik.kz» respýblıkalyq jastar forýmynda Qazaqstan halqy Assambleıasy Tóraǵasynyń orynbasary Eraly Toǵjanov aıtty.   

Sonymen qatar, jastar aldynda baıandama jasaǵan E. Toǵjanovtyń atap ótkenindeı, qazaq tilin bilý - básekege túse alatyndyqty jáne qoǵamdyq ómirde belsendilikti anyqtaıtyn basty shart bolýy qajet.

«Bul Qazaqstan halqynyń rýhanı ulttyq yntymaǵynyń mańyzdy basymdyǵy, basty faktory», - dedi ol.