Memlekettik tildi erkin meńgergendigin anyqtaý synaǵyna kelmegen Q.Maıshevke taǵy bir múmkindik beriledi - QR OSK

ASTANA. QazAqparat - Memlekettik tildi erkin meńgergendigin anyqtaý synyna kelmegen QR Prezıdenttigine úmitker Qaırat Maıshevqa taǵy bir múmkindik beriledi. Bul týraly búgin QR Ortalyq saılaý komıssııasynyń múshesi Marat Sársenbaev málim etti.

«Úmitkerlerimizdiń biri memlekettik tildi erkin merńgergendigin anyqtaý synyna kelmeı qaldy. Biz qazirgi ýaqytta bul azamattyń ne úshin kelmeı qalǵandyǵyn anyqtaý ústindemiz. Eger synaqqa kelmeýi shynaıy sebepterdiń saldarynan bolatyn bolsa, onda atalǵan azamatty memlekettik tildi qanshalyqty deńgeıde meńgergendigin anyqtaý úshin lıngvıstkalyq komıssııa synaǵyna jiberý týraly sheshim qabyldaıtyn bolamyz. Sodan keıin onyń prezıdenttikke úmitker retinde tirkelýine nemese tirkeýden bas tartylýyna qatysty naqty sheshim qabyldanady», - dedi M.Sársenbaev.