Memlekettik tildi erkin meńgergendigin anyqtaý emtıhanynan bas tartqan Q.Esjanov men B.Dilmaǵambetti tirkeýden bas tartyldy - QR OSK

ASTANA. QazAqparat - Memlekettik tildi erkin meńgergendigin anyqtaý emtıhanynan bas tartqan Q.Esjanov men B.Dilmaǵambetti tirkeýden bas tartyldy. Atalǵan sheshim búgin QR Ortalyq saılaý komıssııasynyń otyrysynda qabyldandy.

Qanat Esjanuly Sabyrovtyń QR Prezıdenttigine kandıdat tirkeýden bas tartý týraly qaýly jobasyn tanystyrǵan QR Ortalyq saılaý komıssııasynyń hatshysy Baqyt Meldeshev: « Qaýly boıynsha QR Prezıdenttigine kandıdat Qanat Sabyruly Esjanovtyń lıngvıstıkalyq komıssııa otyrysynda memlekettik tildi erkin meńgergendigin anyqtaý rásiminen bas tartýyna baılanysty onyń memlekettik tildi erkin meńgergendigi anyqtalmady. Qanat Sabyruly Esjanovty QR Prezıdenttigine kandıdat retinde tirkeýden bas tartylsyn», - dedi B.Meldeshev.

Sonymen qatar, ol lıngvıstıkalyq komıssııa emtıhanynan ótýden bas tartqan Birjan Jetirýuly Dilmaǵambetti prezıdenttikke kandıdat retinde tirkeýden bas tartý týraly qaýly jobasyn komıssııa múshelerine jarııa etti.

QR OSK músheleri qaýly jobasyn biraýyzdan maquldady.