Memlekettik tildi damytýǵa úles qosqandar Qaraǵandy oblysy ákiminiń syılyǵymen marapattaldy

QARAǴANDY. QazAqparat – Qaraǵandyda memlekettik tildi damytýǵa qosqan úlesi úshin oblys ákiminiń «Til janashyry» syılyǵy tabys etildi. Bul marapat jyl saıyn beriledi. Bıyl segiz nomınatsııaǵa 46 adam úmitker boldy, dep habarlaıdy QazAqparat tilshisi.

Baıqaý zııaly qaýym ókilderi, qoǵam qaıratkerleri, bıznes jáne buqaralyq aqparat quraldary, memlekettik jáne azamattyq qyzmetshiler, memlekettik tildi erkin meńgergen túrli ult ókilderi, úsh tildi biletin jastar arasynda ótkizilip keledi.

Karantındik shekteýlerge baılanysty marapattaý rásimi Abaı eskertkishiniń janynda ótti. Ótinim bergen 46 úmitkerdiń arasynan 8 nomınatsııa boıynsha jeńimpazdar tańdaldy.

Qaraǵandy oblysy ákiminiń «Til janashyry» syılyǵynyń laýreattary:

- «Til maıtalmany» bas nomınatsııasynda - Serik Aqsuńqaruly, aqyn, Qazaqstan Jazýshylar Odaǵynyń múshesi, «Alash» halyqaralyq syılyǵynyń laýreaty;

- «Memlekettik til - memlekettik qyzmette» - Áıgerim Qarymsaqova, «Qaraǵandy oblysy boıynsha Sottar ákimshisi» RMM memlekettik tildi damytý jónindegi bas mamany;

- «Til jarshysy» nomınatsııasy boıynsha - «Jańaarqa» gazetiniń redaktsııasy;

- «Úzdik telehabar» - Jańabek Nar, «Birinshi Qaraǵandy» telearnasynyń tilshisi;

- «Til bilgiri» nomınatsııasynda - ıÝrıı Mıhýlıa, «Qoǵamdyq kelisim» KMM qyzmetkeri;

- «Jas polıglot» - Ásemaı Pýshanova, «Nurbank» AQ Qaraǵandy fılıalynyń mamany;

- «Memlekettik til bıznesi» nomınatsııasy boıynsha – Sholpan Janǵaskınova, Sátbaev q. «DAMÝ» dızaın-stýdııasynyń dırektory;

- «Úzdik oqytýshy» - Qaraǵandy oblystyq til daıyndyǵy ortalyǵynyń ádiskeri Mýnıra Aǵymbaeva.

Esterińizge sala keteıik, oblys ákiminiń «Til janashyry» syılyǵy 2012 jyldan bastap Qazaqstan halqy tilderi kúnine arnalǵan saltanatty sharada jyl saıyn tabys etiledi. Osy jyldar ishinde 400-ge jýyq adam marapattaldy.