Memlekettik tildi damytýǵa arnalǵan onlaın kýrstar jalǵasýda
Kýrsty Til saıasaty komıtetiniń tapsyrysymen «Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy» uıymdastyryp otyr, dep habarlaıdy QazAqparat.
«Tildik kýrstar óńirlik tilderdi damytý basqarmalarynyń basshylary, til ortalyqtarynyń dırektorlary, ádiskerler, oqytýshylar, magıstranttar men doktoranttaryna arnalǵan. Onlaıyn kýrstar 17 sáýirge deıin jalǵasady. Búgingi kýrsta Memlekettik til saıasatyn iske asyrý tetikteri, latyn grafıkasyna kóshý úderisi, qazaq tilin jetildirý boıynsha jańa ustanymdar, jańa aqparattyq tehnologııalar jetistikterin qoldaný joldary talqylandy.
Budan bólek, qazaq tilin oqytý úderisindegi negizgi baǵyttar men jańa kózqarastar, oqytý ortalyqtarynyń áleýetin arttyrý máseleleri talqylanyp, termınder qalyptastyrý men onomastıkalyq ataýlardy jetildirý baǵyttary týraly pikir almasty»,- delingen baspasóz baıanynda.
Kýrstar barysynda tyńdaýshylar jańa memlekettik baǵdarlamanyń mindetterin óńirlerde iske asyrý boıynsha ózekti suraqqa jaýap aldy. Sonymen qatar, kúndelikti turmysta, áleýmettik salalarda qazaq tiliniń qoldanys aıasyn keńeıtý tetikterin jetildirý joldarymen tanysty.
