Memlekettik tildi damytýdaǵy eń basty mindet - qazaq tilin osy zamanǵy aqparat tiline aınaldyrý bolýy tıis - M. Qul-Muhammed
ASTANA. Qarashanyń 18-i. QazAqparat /Qanat Mámetqazyuly/ - Aldaǵy ýaqytta memlekettik tildi damytýdaǵy eń basty mindet - qazaq tilin osy zamanǵy aqparat tiline aınaldyrý bolýy tıis. Búgin QR Mádenıet jáne aqparat mınıstrliginiń keńeıtilgen alqa májilisi barysynda mınıstr Muhtar Qul-Muhammed osylaı málim etti,
dep habarlaıdy QazAqparat.
«Mınıstrlik tarapynan Qazaqstannyń til saıasaty, memlekettik tildi damytý sharalary boıynsha birqatar ıgi jumystar atqaryldy. Kelesi jyly ótken on jyl merzimdi qamtyǵan memlekettik tildi damytý baǵdarlamasy aıaqtalady. Osyǵan oraı, 2010-2020 jyldarǵa arnalǵan jańa baǵdarlama jasaýǵa kirisýimiz kerek. Bul úshin ótken onjyldyqta atqarylǵan sharalardy jınaqtap, qorytyp endigi baǵyttaǵy jumystyń jańa josparyn naqtylaý qajet. Jalpy, aldaǵy ýaqytta memlekettik tildi damytýdaǵy eń basty mindet - qazaq tilin osy zamanǵy aqparat tiline aınaldyrý bolýy tıis. Bul maqsatta ınternet salasyndaǵy, osy kúngi elektrondy aqparat quraldary, elektrondy oqýlyqtar, zamanǵa saı sandyq tehnologııa salasyndaǵy ulttyq tilimizdiń jetistikterin keńeıtip, onyń múmkindikterin barynsha ashyp kórsetetin jańa baǵdarlamalar jasaýǵa kirisý qajet», dedi M. Qul-Muhammed.
Mınıstr sonymen birge, elimizdegi basqa halyqtardyń ulttyq tilderi men mádenı ortalyqtaryn damytýdyń udaıy nazarda bolǵanyn atap ótti. Onyń aıtýynsha, qazirgi kúni Qazaqstandaǵy ulttyq-mádenı ortalyqtarda 30-ǵa jýyq etnıkalyq dıaspora tilderin oqytatyn jeksenbilik, fakýltatıvtik mektepter jumys istep tur.
