«Memlekettik tildi damytý» Prezıdenttik qory jýrnalıstik syılyǵynyń jańa júldegerleriniń esimderi jarııalandy
ANA. 22 maýsym. QazAqparat - /Aqbota Kúzekbaı/ - Búgin «Memlekettik tildi damytý» Prezıdenttik qory jyl saıyn beriletin «Qazaq tilin nasıhattaýǵa qosqan úlesi úshin» jýrnalıstik syılyǵynyń jańa júldegerleriniń esimderin jarııa etti.
Bıylǵy syılyqqa respýblıkalyq BAQ-tyń úsh ókili: Ǵabıt Músirep («Nur Astana» gazetiniń Bas redaktory), Maksım Rojın («7 telearnanyń» jýrnalısi), Álııa Kenjebaeva («Astana» telearnasynyń jýrnalısi) ıe boldy, dep habarlaıdy Qordyń baspasóz qyzmeti.
Qor dırektory Azat Sháýeevtyń aıtýynsha, bul jýrnalıstik marapattyń kózdegeni Qazaqstandaǵy tildik jaǵdaıdy jan-jaqty jáne shynaıy saralap, qazaq tiliniń qoǵamdaǵy orny men mańyzdylyǵy týraly tanymdy materıaldar ázirlep júrgen, óz kásibinde qazaq tilin keńinen paıdalanatyn, nasıhattaıtyn baspa jáne elektrondy BAQ-tardyń ókilderin yntalandyrý.
Bul syılyq 2010 jyly jýrnalısterdiń kásibı merekesi qarsańynda taǵaıyndalǵan bolatyn. Onyń mólsheri elý myń teńge.
Byltyrǵy alǵashqy aqshalaı júldelermen «Ana tili», «Kazahstanskaıa pravda» jáne «Rýdnyı Altaı» gazetteriniń jýrnalısteri marapattalǵan bolatyn.
