Memlekettik tildi damytý ortalyǵynyń dırektory bólingen memleket qarjysyn maqsatsyz paıdalanǵany úshin qyzmetinen bosatyldy
ASTANA. Sáýirdiń 15-i. QazAqparat - Jambyl oblysyndaǵy Memlekettik tildi damytý ortalyǵynyń dırektory bólingen memleket qarjysyn maqsatsyz paıdalanǵany úshin qyzmetinen bosatyldy,
dep habarlady QR Bas prokýratýrasynyń baspasóz qyzmetinen.
«Jambyl oblystyq prokýratýrasy «Tilderdi qoldaný men damytýdyń 2001-2010 jyldarǵa arnalǵan memlekettik baǵdarlamasynyń» oryndalýyn tekserý barysynda Jambyl oblystyq tilderdi damytý basqarmasyna qarasty «Memlekettik tildi oqytý ortalyǵy» memlekettik kommýnaldyq qazynashylyq kásiporny 2009 jylǵa bólingen qarjynyń 2 mln. 898 myń teńgesin maqsatsyz jáne tıimsiz jumsaǵany anyqtaldy», delingen baspasóz habarlamasynda.
Atalǵan is boıynsha prokýratýra tarapynan maqsatsyz jumsalǵan somany memleketke qaıtarý jáne kináli laýazymdy tulǵalardyń jaýaptylyǵyn sheshý týraly usynys engizildi. Nátıjesinde Ortalyq dırektory M.Noqrabekov sybaılas-jemqorlyq sıpatyndaǵy zańbuzýshylyq áreketteri úshin qyzmetinen bosatyldy.
