Memlekettik tildi damytý qory qazaqshany aýyzeki sóıleý tilinde jyldam úırenýdiń tásilin aıtyp berdi
Baspasóz máslıhaty barysynda «qanshalyqty qysqa merzimde «Soyle.kz» qosymshasy arqyly qazaq tilin úırenip alýǵa boldy?» degen saýal qoıyldy.
«Naqty mysal keltiretin bolsam, «Qazmedıa» ortalyǵynyń ınjeneri Sergeı Gorbýnov esimdi jigit «qazaq tilin bir aıda úırený» atty bizdiń uıymdastyrýymyzben ótken aktsııaǵa qatysqan bolatyn. Atap aıtqanda, ol bizdiń portal arqyly bir aıda tildi meńgerip aldy. Bizdiń otandastardyń erinshektigi basym. Kúnine jarty saǵattan ýaqyt bólse, bir aıda qazaqshanyń aýyzeki sóıleý tilin ábden meńgerýge bolady. Biz ózimizdiń otandastarymyz úshin barlyq jaǵdaıdy jasap otyrmyz. Osy turǵyda saıt nemese mobıldik qosymsha boıynsha, endi búginnen bastap teledıdar arqyly qazaq tilin úırený múmkindigi jasaldy», - dedi qor basshysy Azat Sháýeev.
Aıta keteıik, búgin Astanada Memlekettik tildi damytý qory men «Samsung Electronics Central Eurasia» kompanııasy birlesip SMART.TV úshin arnaıy ázirlegen «Soyle.kz» qosymshasynyń tusaýkeseri ótti.
Bul qosymshanyń ázirlenýi qazaq tiliniń álemdik aqparattyq júıege enýine yqpal etpek. Endi «Soyle.kz» qosymshasynyń kómegimen úıde teledıdar aldynda otyryp-aq SMART.TV arqyly qazaq tilin úırenýge bolady.
