Memlekettik tildi 10 negizgi baǵyt boıynsha úıretetin tilashar úlgisi mıllıon tırajben taratylady

Bul týraly búgin Mádenıet mınıstrliginde ótken jıyn barysynda mınıstrliktiń jaýapty hatshysy Janna Qurmanǵalıeva málim etti.

«Tilashar taratylymy densaýlyq saqtaý, mádenıet, qyzmetter, shańyraq, bilim, saıahat, jumys sekildi biz kúndelikti paıdalanatyn asa qajetti 10 baǵytty qamtyp otyr. Shamamen kelesi aptaǵa qaraı bul tilashar quraldardyń barlyǵy elimizdiń óńirlerine túgel taratylady. Barlyq mekeme, onyń ishinde memlekettik emes mekemeler de osy tilasharmen qamtamasyz etiledi. Bul taralymdar boıynsha arnaıy tusaýkeser de josparlanyp otyr», - dedi J. Qurmanǵalıeva.

Onyń aıtýynsha, atalǵan bir tilashar oqýlyǵyn shyǵarýǵa shamamen 1 dollar qarajat ketken. Sonda mıllıon tırajdy taralymdy shyǵarý úshin shamamen 1 mln. dollar jumsalyp otyr. Onyń syrtynda basqa da shyǵyndar barshylyq.