Memlekettik tildegi sot aktilerin tekserý baıqaýynyń jeńimpazdary anyqtaldy

ASTANA. 27 qarasha. QazAqparat - 1 jeltoqsan - Qazaqsan Respýblıkasynyń Tuńǵysh Prezıdent kúni qarsańynda «Qazaqstan Respýblıkasynda Tilderdi damytý men qoldanýdyń 2011-2020 jyldarǵa arnalǵan Memlekettik baǵdarlamasyn» iske asyrý maqsatynda, jergilikti sottarda memlekettik tilde qabyldanǵan sot aktileriniń sapasyn tekserý úshin aýdandyq jáne oǵan teńestirilgen sottar arasynda Astana qalalyq soty baıqaý uıymdastyrdy, dep habarlady Astana qalasynyń resmı saıty atalǵan vedomstvonyń baspasóz qyzmetine silteme jasap.

Baıqaýǵa Astana qalasynyń aýdandyq jáne oǵan teńestirilgen sottarynan memlekettik tilde júrgizilgen 69 sot aktisi kelip tústi.

Іs-sharada zań termınologııasy men ádebı til talaptary saqtala otyryp memlekettik tilde saýatty jazylǵan sot aktilerine basa nazar aýdaryldy.

Nátıjesinde Astana qalasynyń qylmystyq ister jónindegi mamandandyrylǵan aýdanaralyq sotynyń sýdıasy E.S.Qosmuratov jeńimpaz tanyldy. Qalǵan júldeli eki oryndy Astana qalasy Esil aýdanynyń №2 aýdandyq sotynyń sýdıasy A.S.Aqylbaı jáne Astana qalasy Saryarqa sotynyń sýdıasy M.Satybaldın bólisti.