Memlekettik tilde xabar taratatyn aqparat quraldaryn barynsha damytý qajet - jýrnalıster

ASTANA. QazAqparat - QR Aqparat jáne kommýnıkatsııalar mınıstrliginiń keńeıtilgen alqa májilisinde qoǵamdyq keńes múshesi Bıbigúl Jeksenbaı jýrnalıster qaýymynyń birqatar usynystaryn jarııalady, dep habarlaıdy QazAqparat tilshisi.

"Bizge respýblıkalyq jáne aýdandyq buqaralyq aqparat quraldaryn barynsha damytyp, básekege qabiletti deńgeıge kóterý kerek. Ásirese, memlekettik tilde xabar taratatyn aqparat quraldaryna basymdyq bergenimiz jón. Memlekettik organdarda jumys isteıtin baspasóz xatshylarynyń, buqaralyq aqparat quraldary salasyndaǵy qyzmetkerlerdiń, sondaı-aq jýrnalısterdiń memlekettik tildi bilý deńgeıin arttyrý qajet. Al memlekettik tildegi baǵdarlamalardyń sapasy joǵary bolýǵa tıis", - dedi ol mınıstrliktiń keńeıtilgen alqa májilisinde.

Onyń sózine qaraǵanda, búginde barlyq aımaqtardy otandyq tele-radıo jelilerimen qamtamyz etken jón. Osy oraıda shekara mańyndaǵy eldi mekenderdi nazardan tys qaldyrmaý qajet. Sondaı-aq otandyq gazet-jýrnaldardy keńinen tartý maqsatynda poshta bólimsheleri men kıoskilerdi kóbirek ashqan durys. "Elimizdiń shalǵaı aýyldarynda xalyq aqparattyq vakýýmda otyrmas úshin ǵalamtor jelisin barlyǵyna birdeı tartý qajet. Sonda eldegi jańalyqtar jaıynda xabardar bolyp otyrady",- dep atap kórsetti keńes múshesi.