Memlekettik tilde sóılesem, meni bári qazaq dep qalady – Aleksandr Son
Aleksandr Son – Taldyqorǵan qalasynyń túlegi.
Aleksandr memlekettik tildi jaqsy biledi. Óıtkeni І.Jansúgirov atyndaǵy Jetisý ýnıversıtetinde qazaq tili men ádebıeti muǵalimi mamandyǵy boıynsha bilim aldy. Áskerge shaqyrylǵanǵa deıin óziniń altyn uıa – mektebinde qazaq tilinen dáris berip te úlgerdi.
Qatardaǵy jaýynger A.Pýshkın ǵana emes, uly Abaıdyń tilinde sóılegendi maqtan etedi.
«Men qazaq tilinde sóılesem, bári meni qazaq dep qabyldaıdy. Biraq keıbireýleri kózime qarap, «Káris emessiń be?» dep surastyryp jatady. Meniń oıymsha, Qazaq elinde turǵannan keıin kim-kimniń de memlekettik tildi meńgergeni jón. Odan sol adamnyń abyroıy arta túspese, kemimeıdi. Qaıta ultaralyq birlikti nyǵaıtý úshin óte qajet. Bolashaqta Ulttyq ulan qatarynda qyzmet etýdi jalǵastyryp, qazaq tiliniń ásker arasynda keńinen taralýyna óz úlesimdi qossam deımin», deıdi A.Son shynaıy kóńilmen.
QR Ulttyq ulany baspasóz qyzmetinen túsken málimetke qaraǵanda, Shymkentte 6506-áskerı bólimi de bar.
Atalmysh bólim jaýyngerleri polıtsııa qyzmetkerlerimen birge kóshe tynyshtyǵyn kúzetedi. Kún saıyn qoǵamdyq tártipti qamtamasyz etýge júzden astam sarbaz shyǵady.
Jalpy, Shymkentte 15 óńirden onnan astam ult ókilderi azamattyq boryshyn ótep júr.
Eske sala keteıik, budan buryn aǵaıyndy egizderdiń Ulttyq ulanda áskerı boryshyn birge ótep júrgenin jazǵan bolatynbyz.