Memlekettik tilde oqıtyn stýdentterdiń sany 56,3 paıyzdy qurady
ASTANA. 24 qańtar. QazAqparat - Qazaqstan Respýblıkasynda 2012/2013 oqý jylynyń basyna 139 joǵary oqý orny jumys istedi, ondaǵy stýdentterdiń jalpy sany 571 691 adamdy qurady. QR Statıstıka agenttiginiń málimetinshe, JOO-nyń jalpy sanynan 53-i memlekettik bolyp tabylady, olarda 280422 adam oqıdy nemese barlyq JOO túrlerinde oqıtyndardyń 49%. Stýdentterdiń jalpy sanynan qyzdar 57,8%, jigitter 42,2%-dy quraıdy.
Memlekettik bilim granttarynyń esebinen 131 919 adam nemese stýdentterdiń jalpy sanynan 23,1%-dy quraıdy, memlekettik bilim tapsyrysynyń esebinen 12 390 adam nemese 2,2%, aqyly negizde - 427 382 adam nemese 74,8% bilim alady.
Stýdentterdiń jalpy sanynan 362 551 adam nemese 63,4% oqytýdyń kúndizgi túri boıynsha oqıdy, 195 520 adam nemese 34,2% - syrttaı, 13 620 nemese 3,8% - keshki túri boıynsha oqıdy.
Memlekettik tilde oqıtyn stýdentterdiń sany 322 042 adamdy qurady nemese 56,3%. JOO-da oqytý qazaq tilinde oqytýmen qatar orys 41,7% jáne 1,9% aǵylshyn tilderinde júrgiziledi.
2012/2013 oqý jylynyń basyna respýblıkanyń JOO-da 85-ten astam ult ókilderi oqydy. Oqıtyn qazaqtardyń úles salmaǵy 80,8%, orystardyń - 12,5%, ózbekter, ýkraındar, tatarlardyń 0,7-1,5 % sheginde, ózge ulttar - 3,5% qurady.
Qaralyp otyrǵan oqý jylynda oqytýǵa jáne daıyndaýǵa 120 408 stýdent qabyldandy, bul 2011/2012 oqý jylyna qaraǵanda 76 820 adamǵa kem. Sebebi, tehnıkalyq jáne kásiptik bilim berý (ary qaraı TKBB) oqý oryndaryn bitirýshi túlekterge keshendi testileý engizilgen. TKBB oqý oryndaryn bitirgen túlekterdiń kóbisi JOO úshin qajetti shekti deńgeıdi jınaı almaǵan.
2012/2013 oqý jylyn bitiretin bilikti mamandar 171 609 adamdy qurady, bul 2011/2012 oqý jylymen (160 934 adam) salystyrǵanda 6,6%-ǵa artyq.
Bakalavrlardyń sany 539 790 adamdy, joǵary arnaıy bilim alyp jatqandardyń sany 30 439 adamdy quraıdy.
