Memlekettik tilde eń úzdik sot otyrystaryn ótkizgen sýdıalar marapattaldy - Joǵarǵy Sot
«Aıta keterligi, buǵan deıin oblystyq jáne teńestirilgen sottar arasynda «Memlekettik tildegi úzdik sot otyrysy» boıynsha respýblıkalyq baıqaý ótti. Ekinshiden, respýblıka sottarynda oqý baǵdarlamalaryn úzdik úılestire bilgen, sondaı-aq tatýlastyrý, ıaǵnı medıatsııa rásimin keńinen qoldanǵan sýdıalardy marapattaý týraly sheshim qabyldanǵan bolatyn», - dedi QR Joǵarǵy Sot Tóraǵasy Qaırat Mámı marapattaý rásimin jarııalaı otyryp.
Baıqaý nátıjesinde «Memlekettik tildegi eń úzdik sot otyrysy» baıqaýynda birinshi oryndy Soltústik Qazaqstan oblysy Mamandandyrylǵan aýdanaralyq ekonomıkalyq soty ıe boldy. Ekinshi oryndy ákimshilik isti qaraýda jan-jaqty ázirligi jáne saýatty júrgizgeni úshin Pavlodar oblysy Pavlodar aýdandyq soty ıe boldy. Al úshinshi oryndy Qyzylorda oblystyq sotynyń apellıatsııalyq alqasy men Mańǵystaý oblystyq sotynyń kassatsııalyq alqasy aldy. Budan bólek, medıatsııa, ıaǵnı taraptardy tatýlastyrý boıynsha neǵurlym kóp is qaraǵan sýdıalar da marapattaldy. Joǵary Sot Tóraǵasy marapattardy tabystaı otyryp, sýdıalardyń aldaǵy jumysyna sáttilik tiledi.
