Memlekettik tilde bilim beretin oqý oryndarynyń sanyn arttyrý saıasaty jalǵasady - QR BǴM basshysy
ASTANA. 13 qarasha. QazAqparat - Memlekettik tilde bilim beretin oqý oryndarynyń sanyn arttyrý saıasaty jalǵasady. Bul týraly búgin Qazaqstanda bilim jáne ǵylym salasyn damytýdyń 2014-2016 jyldarǵa arnalǵan basym baǵyttary boıynsha ótken QR Bilim jáne ǵylym mınıstrliginiń alqa májilisinde vedomstvo basshysy Aslan Sárinjipov málim etti.
Alqa májilisi barysynda vedomstvo basshysy bilim berý júıesinde aýyl men qala arasyndaǵy alshaqtyqty joıý máselelerine erekshe nazar aýdarylatynyn atap ótti. «Bul mindetti sheshpeıinshe, biz sapaly bilimge teńdeı qoljetimdilik turǵysyndaǵy basty maqsatty qamtamasyz ete almaımyz. Osy baǵytta qala men aýyl arasyndaǵy alshaqtyqty halyqaralyq sarapshylar da rastap otyr», - dep toqtaldy mınıstr. Osy oraıda ol bul másele aýyl jastarynyń biliktilik jaǵynan ósýine kedergiler týdyratynyn sóz etti. Atap aıtqanda, aýyldyq jerde orta mektepti bitirgen jastar sapasy tómen bilim alǵandyqtan júıeden yǵystyrylyp shyǵyp, margınaldanady. Budan keıin ındýstrııalyq-ınnovatsııalyq jáne óńirlik damý kadrlarmen qamtamasyz etilmeıtin bolady. Mınıstrliktiń málimetinshe, aýyldaǵy bilim máselesi tıisti sheshimin tappasa, onda margınal (shetqaqpaı) toptardyń qatary kóbeıip, bilim berý men quqyq qorǵaý organdaryna salmaq túsedi.
