«Memlekettik til jáne BAQ» baıqaýynyń jeńimpazdary belgili boldy

ASTANA. QazAqparat - Qazaqstan Respýblıkasy Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti Jýrnalıster kúnine oraı «Memlekettik til jáne BAQ» atty respýblıkalyq baıqaýynyń jeńimpazdaryn saltanatty marapattaý rásimin ótkizdi, dep habarlaıdy mınıstrliktiń baspasóz qyzmeti.

Іs-shara  Qazaqstan Respýblıkasy Mádenıet jáne sport mınıstrliginiń jaýapty hatshysy Qýatjan Serikqazyulynyńquttyqtaý sózimen ashyldy.

Respýblıkalyq konkýrsqa elimizdiń óńirlerinen 100-den asa materıal kelip tústi. Konkýrsqa memlekettik tildiń qyzmet etý aıasyn keńeıtý, mártebesin nyǵaıtý jáne onyń qazirgi ahýaly týraly ózekti materıaldar jarııalaǵan jýrnalıster qatysty.

Konkýrsta 2016 jylǵy 10 maýsym men 2017 jylǵy 5 maýsym aralyǵynda qazaq jáne orys tilderinde jaryq kórgen jarııalanymdar, efırden ótken habarlar qamtyldy.

Konkýrstyń erejesine sáıkes kelip túsken materıaldar «Úzdik maqala», «Úzdik telebaǵdarlama», «Úzdik radıobaǵdarlama», «Úzdik saıt maqalasy» nomınatsııalary boıynsha 4 baǵytta baǵalandy.

Konkýrs qorytyndysy boıynsha Bas júldeni oblystyq «Jetisý» telearnasynyń redaktory Ábitaeva Merýert Muratbekqyzy ıelendi. «Úzdik maqala» nomınatsııasy boıynsha 1-oryndy «Astana aqshamy» gazetiniń tilshisi Rahmanova Gúljan Oralbaıqyzy, 2-oryndy «Egemen Qazaqstan» respýblıkalyq gazetiniń sholýshysy Omarhanov Ǵalym Orynbasaruly,
3-oryndy Pavlodar oblystyq «Saryarqa samaly» gazetiniń tilshisi Nurjaına Shodyr jeńip alsa, «Úzdik saıt maqalasy» nomınatsııasy boıynsha
1-oryndy «Aıqyn» respýblıkalyq qoǵamdyq-saıası gazeti aqparat jáne sport bóliminiń redaktory  Baıdáýlet  Qanshaıym Máýlenqyzy, 2-oryndy «Qoǵamdyq kelisim» RMM baspasóz qyzmetiniń jetekshi sarapshysy Álpeıisova Kamal Ábilqasymqyzy, 3-oryndy «Úrker.kz» saıtynyń tilshisi Nurlan Qumar Baqdáýletuly ıelendi.

Sondaı-aq «Úzdik telebaǵdarlama» nomınatsııasy boıynsha
1-oryndy «Qazaqstan-Shymkent» telearna jýrnalısi Baıtasov Tórebek Tórekeldiuly, 2-oryndy «Qazaqstan-Atyraý» telearna jýrnalısi Sısenalıeva

Sholpan Abatovna, 3-oryndy «Habar» agenttigi keshki jańalyqtar qyzmetiniń tilshisi Jylqaıdarova Indıra Orynbaıqyzy jeńip alsa, «Úzdik radıobaǵdarlama» nomınatsııasy boıynsha «Halyq» radıosy tilshisi Sybanjanova Raýshan Seıithanqyzy, 2-oryndy «Qazaq» radıosy tilshisi Januzaqov Janat Júsipuly, 3-oryndy «Halyq» radıosy tilshisi Qobjanova Gúlsim Saǵatqyzy ıelendi.

Barlyq jeńimpazdarǵa dıplomdarmen qatar aqshalaı syılyqtar berildi.