«Memlekettik til týraly» zań qabyldansa, tildi saıası maqsattarǵa paıdalaný máselesi sheshiledi - M.Nárikbaev
ASTANA. Qarashanyń 7-si. QazAqparat /Aıdar Ospanalıev/ - Búginde til máselesin saıası maqsattarǵa paıdalanyp júrgen azamattar bar. «Memlekettik til týraly» zań qabyldansa, bul másele tolyǵymen sheshiledi degen oıdamyn. Bul týraly búgin «Qazaqstan: birlik pen áralýandylyq jolynda» atty taqyrypta ótip jatqan ǵylymı-tájirıbelik konferetsııa barysynda Qazaq gýmanıtarlyq-zań ýnıversıtetiniń prezıdenti Maqsut Nárikbaev málim etti,
dep habarlaıdy QazAqparat.
Otyrys barysynda joǵary oqý orynynyń prezıdenti Qazaqstan halqy Assambleıasynyń múshelerine «Qazaqstan Respýblıkasynyń Memlekettik tili týraly» zań jobasyn usyndy. M.Nárikbaevtyń sózine qaraǵanda, atalmysh zań jobasy 2008 jyly «Ana tili» basylymynda jarııalanyp, Astana men Almaty qalalarynda ótkizilgen til janashyrlary, buqaralyq aqparat quraldary men qoǵamdyq uıym músheleriniń qatysýymen ótken jıyndarda talqylanyp, tıisti tolyqtyrýlar engizilgen. «Osy jıyndarda kóterilgen usynys, pikirler negizinde qujat qazirgi kezeń talaptaryna jaýap beredi dep baǵalandy. Alaıda, ony halyq qoldaǵanymen Úkimet qoldamaı otyr. Árıne, jobada memlekettik
tildiń qoldanys aıasyn keńeıtý men oǵan qatysty máseleler júz paıyz sheshilgen dep aıta almaspyz. Qalaı bolǵan kúnde de, biz qujatty Qazaqstan halqy Assambleıasyna usynyp otyrmyz. Zań jobasynyń endigi taǵdyry sizderdiń qoldaryńyzda», dedi M.Nárikbaev Qazaqstan halqy Assambleıasy Hatshylyǵynyń meńgerýshisi Eraly Toǵjanovqa.
