«Memlekettik til - qazirgi zamanǵy aqparat tili» atty memlekettik baǵdarlama qabyldansa ıgi - depýtat A. Smaıyl
ASTANA. 31 mamyr. QazAqparat - «Memlekettik til - qazirgi zamanǵy aqparat tili» atty memlekettik baǵdarlama qabyldansa ıgi.
Búgin Májilistiń jalpy otyrysynda til máselesin kóterip, Úkimet basshysynyń atyna saýal joldaǵan depýtat Aldan Smaıyl osylaı málim etti.
«Búgingi rýhanı úılesimdilik kezeńinde memlekettik tildiń bedelin kóterip, ony qazirgi zamanǵy ǵylymı-tehnıkalyq órkenıet tiline aınaldyrý barshamyzdyń asa mańyzdy mindetimiz. Ana tilimiz «Nazarbaev ýnıversıteti» arqyly ıgeriletin jańa mamandyqtar men bilim salalarynyń, ınnovatsııalyq-ındýstrııalyq baǵdarlama arqyly paıda bolatyn tyń kásipterdiń, barlyq deńgeıdegi elektrondy aqparat quraldarynyń tili bolýǵa tıis. Úkimetke osy maqsatta jasaǵan usynystarymyz nazarǵa alynǵanymen, baıaý oryndalyp jatyr», - deıdi depýtat Aldan Smaıyl.
Onyń aıtýynsha, memlekettik organdardyń ınternet-resýrstaryndaǵy memlekettik tildegi aqparattar jetkiliksiz. Bul máseleni retteý úshin 2010 jylǵy 15 shildede qabyldanǵan «Qazaqstan Respýblıkasynyń keıbir zańnamalyq aktilerine «elektrondyq úkimetti» damytý máseleleri boıynsha ózgerister men tolyqtyrýlar engizý týraly» Zańyna memlekettik aqparattyq júıelerdegi qazaq tilindegi aqparattyń kólemi orys tilindegi aqparattyń kóleminen kem bolmaýǵa tıis degen norma engizilgen. Alaıda, depýtattyń aıtýyna qaraǵanda6 bul talap búgingi kúnge deıin oryndalmaýda.
«Turǵyndardan memlekettik ınternet-resýrstarynda memlekettik tilde jetkilikti aqparat ala almaı otyrǵandyǵy jóninde aryz-shaǵymdar túsýde. Osy rette memlekettik aqparattyq júıelerde qazaq tilinde aqparattardyń ornalastyrýy týraly joǵaryda atalǵan normanyń oryndalýyna monıtorıng júrgizý qajet. Sonymen qatar, bul máseleni qalypqa keltirý úshin memlekettik organdardyń saıttarynyń qurylymy men olardy toltyrý boıynsha arnaıy memlekettik standart qabyldaý qajet», - deıdi A. Smaıyl
