Memlekettik til Qazaqstan halqy Assambleıasy qyzmetkerleriniń basty nazarynda bolýy tıis - Assambleıa tóraǵasynyń burynǵy orynbasary

ASTANA. Qazannyń 26-sy. QazAqparat /Aıdar Ospanalıev/ - Qazaqstandaǵy barlyq entostardyń tilderiniń saqtalýy memlekettik ulttyq saıasattyń jańa zamanǵy jetistigi.

Al qazaq tiliniń bolashaqta etnostardy baılanystyratyn jáne memleketti quraıtyn til retinde damytýdy Assambleıa ókilderi eń basty, ári eń mańyzdy másele retinde qarastyrýy tıis. Bul týraly búgin Syrtqy ister mınıstrliginde ótken Qazaqstan halqy Assambleıasynyń keńeıtilgen májilisinde Assambleıa tóraǵasynyń burynǵy orynbasary Vıtalıı Sventsıtskıı málim etti, dep habarlaıdy QazAqparat.

 Onyń sózine qaraǵanda bul - Ulttyq birlik doktrınasyna engizilýi tıis basty máselelerdiń biri. «Sondyqtan Assambleıa qyzmetkerleri eldegi til saıasatyna qatysty mindetterdi júzege asyratyn negizgi organ retinde uıymdastyrylýy tıis sharalar barysynda osy máseleni birinshi kezekte eskerýleri kerek», dedi Vıtalıı Sventsıtskıı.