Memlekettik tenderlerde qazaqstandyq qamtý úlesi 58,3% qurady
ASTANA. QazAqparat - Aǵymdaǵy jyldyń 9 aıy ishinde memlekettik organdar men ulttyq kompanııalardyń memlekettik satyp alýyndaǵy qazaqstandyq qamtý úlesi 58,3% qurady. Bul týraly búgin «Uly dala eli» otandyq óndirýshilerdiń II forýmynda QR Investıtsııalar jáne damý mınıstri Jeńis Qasymbek málim etti, dep habarlaıdy QazAqparat.
«NADLoC» jergilikti qamtýdy damytý jónindegi ulttyq agenttik» AQ derekteri boıynsha, aǵymdaǵy jylǵy 9 aı ishinde satyp alýdaǵy jergilikti qamtý úlesi 58,3% qurady. Osy oraıda, ótken jyldyń sáıkes kezeńimen salystyrǵanda, taýarlardy, jumystardy jáne kórsetiletin qyzmetterdi jalpy satyp alý kólemi 1 trln. 596 mlrd. teńgege artty. Degenmen, ótken jyldyń sáıkes kezeńimen salystyrǵanda, qazaqstandyq qamtýdyń aralyq kórsetkishi 7,7% tómendedi. Atalmysh kezeńde jergilikti qamtý paıyzynyń tómendeýiniń negizgi sebepteri - teńge qunynyń tómendeýi, ımporttyq shıkizat satyp alýdyń ulǵaıýy bolyp tabylady», - dedi mınıstr.
Sonymen qatar Jeńis Qasymbek aldaǵy ýaqyttary da otandyq óndirýshini turaqty qoldaý boıynsha jumys júrgizile beretinin atap ótti.
