Memlekettik tapsyrysqa ózgeris engizilip, analıtıkalyq materıaldardyń úlesi artady
NUR-SULTAN. QazAqparat – Aqparat jáne qoǵamdyq damý mınıstri Aıda Balaeva Qazaqstandaǵy BAQ-ty damytý salasyndaǵy josparyn bólisti. Mınıstr jumys jospary jaıly halyqqa esep berý kezdeýinde aıtyp berdi, dep habarlaıdy QazAqparat tilshisi.
«Qazirgi tańda bizdiń vedomstvonyń aldynda birqatar mindet tur. Jumystyń tabysty bolýy - osy mindetterdiń iske asyrylýyna baılanysty. BAQ-ty damytý salasynda memlekettik aqparattyq tapsyrystar qaıta formattalady. Bul rette analıtıkalyq materıaldardyń, shyǵarmashylyq jáne mýltımedıalyq kontenttiń úlesi artady», - dedi Aıda Balaeva OKQ alańyndaǵy halyqqa esep berý kezdesýinde.
Mınıstr sonymen birge baspa BAQ-tyń, ınternet-resýrstar men teleradıoholdıngterdiń qurylýy arqyly memlekettik medıaresýrstar ońtaılandyrylatynyn jetkizdi.
Sonymen qatar Qazmedıa ortalyǵy modernızatsııadan ótetinin málim etti.
