Memlekettik syılyqtyń laýreaty Áshirbek Syǵaı dúnıeden ozdy

Áshirbek Syǵaı 1947 jyly 11 qańtarda Kentaý qalasynda dúnıege kelgen. Bozbala kezinde «Achlolımetall» kombınaty janyndaǵy Kentaý mehanıkalyq jóndeý tsehynda eki jyl slesar bolyp júmys istegen.1965 jyly Qurmanǵazy atyndaǵy konservatorııaǵa túsip, ony 1969 jyly támamdaǵan soń, ustazdyq qyzmetke qaldyrylǵan. Onyń teatr synshysy retinde qalyptasýy 1970 jyldardan bastalady. Ol 1974-94 jyldary Mádenıet mınıstrligi teatr bóliminiń, óner basqarmasynyń basshysy, mınıstrdiń orynbasary, T.Júrgenov atyndaǵy teatr jáne kıno ınstıtýtynyń rektory, mınıstrdiń birinshi orynbasary bolyp qyzmet atqardy.

Á.Syǵaı - «Іńkár shaq», «Syr sandyq», «Sahnaǵa sapar», «Jarnama aldyndaǵy oı», «Sahna sańlaqtary» degen kitaptardyń avtory. Jan Molerdin «Eriksiz úılený», K. Goldonıdiń «Kúlkili oqıǵa», O. Ioselıanıdiń «Arbanyń izimen», Sh. Rokvıdiń «Mazasyz ójeı», V.Ejovtyń «Bulbuldar túni», A. Shaıkevıchtiń «Álem alaqanymyzda» jáne taǵy basqa tanymal dramatýrgtardyń pesalaryn aýdarǵan. Olar respýblıka teatrlarynda qoıyldy. 1989 jyly Qazaqstan Respýblıkasnyń Eńbek sińirgen kaıratkeri ataǵy berildi. Teatr zertteýshisi, qoǵam qaıratkeri Á. Syǵaı 2001 jyly QR Memlekettik syılyǵynyń laýreaty atandy.

Sonymen qatar, táýelsiz «Platına Tarlan» syılyǵynyń (2005) laýreaty.