Memlekettik syılyqtyń ıegeri, ánshi Shahmardan Ábilovtiń shyǵarmashylyq keshi ótedi
ASTANA. 24 qazan. QazAqparat - Erteń elordadaǵy QR Prezıdenttik mádenıet ortalyǵynyń kontsert zalynda Qazaqstannyń eńbek sińirgen ártisi, Memlekettik syılyqtyń ıegeri, Abaı atyndaǵy Qazaq memlekettik akademııalyq opera jáne balet teatrynyń ánshisi,
Qurmanǵazy atyndaǵy Qazaq ulttyq konservatorııasynyń professory, Halyqaralyq shyǵarmashylyq akademııasynyń akademıgi, «Qurmet» ordeniniń ıegeri, Halyqaralyq shyǵarmashylyq akademııasynyń «Dańq» ordeniniń ıegeri Shahmardan Ábilovtiń shyǵarmashylyq keshi ótedi. Bul aqparatty atalǵan ortalyqtyń baspasóz qyzmeti taratyp otyr.
Belgili ánshi, vokaldyq lırıkanyń ǵajaıyp sheberi Shahmardan Ábilovtiń esimi Qazaqstanǵa ǵana emes, alys-jaqyn shet elderge de jaqsy tanymal. Ónerdegi ózindik «menin», óziniń qaıtalanbas shyǵarmashylyq bet-beınesi men kelbetin tapqan Shahmardan Ábilov elimizdegi mýzyka mádenıetinde erekshe oryn alady. Ánshiniń shyǵarmashylyq shyńy Abaı óleńderine jazylǵan kameralyq-vokaldyq shyǵarmalary. 1991 jyly Máskeý qalasynda lazerlik dıskige jazylǵan bul shyǵarmalaryn Sh. Ábilov tamasha pıanınoshy Sergeı Kostevıchpen birge qos daýysta oryndaǵan. Qazaqstandyq kompozıtorlar E. Rahmadıev, T. Muhamedjanov, M. Saǵatov, B. Amanjolovtardyń ózderiniń Abaı óleńderine jazylǵan vokaldyq shyǵarmalaryn Sh. Ábilovtyń oryndaýyna arnaıy jazǵandary da kezdeısoqtyq emes.
Kameralyq-vokaldyq klassıkanyń álemdik úlgilerin oryndaǵan kontserti tyńdarmandardyń esinde erekshe qalǵan kontsert. Ánshi repertýarynda Chaıkovskıı, Rahmanınov, Maler, Shýbert, Shýman, Massne, Brams syndy áıgili kompozıtorlardyń romanstary bar. Sh. Ábilov Abaı atyndaǵy Qazaq memlekettik akademııalyq opera jáne balet teatrynyń ánshisi. Oryndaýyndaǵy partııalar: A. Jubanov pen L. Hamıdıdiń «Abaı» operasyndaǵy - Abaı; E. Rahmadıevtiń «Abylaı hanynda» - Buhar jyraý; E. Brýsılovskııdiń «Er Tarǵynynda» - Er Tarǵyn; Dj. Verdıde - Rıgoletto, Amonasro, Jermon, Graf dı Lýna; N. Rımskıı-Korsakovtyń «Patsha qalyńdyǵy» shyǵarmasynda - Grıaznoı partııalaryn oryndaıdy.
Sh. Ábilov - qoǵam qaıratkeri, «Iskýsstvo XXI veka» atty Fınlıandııa, Italııa, Avstrııada, Kalınıngradta ótken «ıAntarnyı soloveı», Máskeýde ótken «Mejdýnarodnaıa rýsskaıa romansıda» syndy vokalıster baıqaýynda, Qazan qalasynda ótken R. ıAhın atyndaǵy kameralyq ánshiler baıqaýynda, Ýfada, Kıevte ótken operalyq ánshiler baıqaýynda qazylar alqasynyń músheliginde bolǵan. Sonymen qatar Sh. Ábilov Qazaqstanda ǵana emes, TMD elderi men alys-jaqyn shet elderde master-klass ótkizip turady.
Onyń halyqqa qatty tanymal etken kontserti Londondaǵy Barbıkan-hollda koroldik kameralyq orkestrmen bergen kontserti boldy. Bul jaıly Bı-bı-sı tilshisi: «London Sıtı ortalyǵynda XI ǵasyrdaǵy shirkeýde kontsert berip, tek qana álemdik tanymal juldyzdardyń kelgenine daǵdylanǵan qaladan osynsha kóp tyńdarman jınaý, bul teńdesi joq qubylys boldy», dep jazsa, BUU-nyń «Beıbitshilik isi úshin» sıylyǵynyń ıegeri, belgili ánshi Osman Tıýrkaı: «Bul Qazaqstandaǵy balamasy joq ulttyq qundylyq», dep baǵalady.
Sh. Ábilov óneriniń jarqyn tustary Parıjdiń Pleıel zalynda, Vınchenso, Berlın, Tel-Avıv, Máskeýdegi Reseı kompozıtorlar Odaǵy jáne P.I. Chaıkovskıı atyndaǵy konservatorııanyń kishi zalynda ótti. Gastroldik saparmen London, Parıj, Tel-Avıv, Helsınkı, Venetsııa, Vena, Stokgolm, Berlın, Máskeý, Ystambul, Ankara, Ýlan-Ýde, Kıev, Mınsk, Vılnıýs, Tallın, Tashkent, Bishkek, Ýfa, Baký, Qazan t.b. álemniń áıgili qalalarynda óner kórsetti.
